2 SAMUEL 15:31 - Pathien Lekhabu Inthieng (BSI)

³¹ Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw Lalpa, Ahithophel remruot chu invêtnaa inchangtir dingin ka ngên che,” a ta.

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Chun, Absalom chun inthâwinahai chu ân hlân laiin, Gilon mi Ahithophel, David rorêlpui chu, a khuo Gilo a inthawkin ân cha a, an thu phierrûuk chu a nasa hle el a. Absalom tieng chun mipui chu an pung tul tul el si a.

2 SAMUEL 16:23

Chuong laia rem a ruot, Ahithophel remruothai chu, Pathien thu ngai anga ngai a ni hlak a, chuong ang bawk chun, Ahithophelin David le Absalom rem a ruotpuihai po po chu ngai a ni hlak.

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti ta a. Lalpa chun Absalom chunga chun thil ṭha naw ân tlungtir theina dingin Lalpa chun Ahithophel remruot ṭhatak chu letthla dingin a lo ruot ta hrim a nih.

2 SAMUEL 17:23

Chun, Ahithophel chun a remruot ang chu an pawm nawh ti a hrietin a sabengtung chu a siem a, a suok a, a khuo tieng a fe ta a, a sûnghai khawsak dân ding a ruotpêk diem a, ân âwkhlum ta a; chuongchun, a thi a, a pa thlânah an phûm ta a.

2 SAMUEL 17:5

Chun, Absalom chun, “Tu hin Ark mi Husai chu ko ve phawt unla, a hril ve dân lo ngai phawt ei tih,” a ta.

2 SAMUEL 17:7

Chun, Husai chun Absalom kuomah, “Tuta ṭuma Ahithophel remruot hi a ṭha naw a nih,” a ta.

JOB LEKHABU (THE BOOK OF JOB) 5:12

Themthiem remruotnahai chu a sukthlâwn a, Chuongchun, an kuthai chun an nuom zâwng chu a puitlin thei nawh.

INPÂKNA HLABU 109:3

Theidâna thuin a mîn huol vêl a, Ieng ni bar lovin an mi do a.

INPÂKNA HLABU 3:1

Lalpa, a mi dotuhai hi an va pung ta de! A mi hung thawtuhai hi tamtak an nih;

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

INPÂKNA HLABU 55:10

A sûn a zânin khawpui chu kul tlângah an vêl an vêl a, A sûnga chun suolna le rinumna a um bawk a.

INPÂKNA HLABU 55:12

A mi hrilsetu chu hmêlma a ni si naw a, Ni sienla chu ka tuor thei lem ding bah; Ka chunga insuklien chu a mi theidatu a ni bawk naw a: Ni sienla chu kân bîkhmangsan ding bah.

ISAI 19:3

Chuongchun, Aigupta mihai thlarau chu an sûnga chun iengkhawm ni lova siemin um a ta; an remruot chu suksieng ka tih: chuongchun, milimhai le, aikeithiemhai le, khawhri aisânthiem zâwlhai le, dawithiemhai chu râwn an tih.

ISAI 44:25

Kei hi khêlhliphai inchiknahai chu teplova siem a, aisânthiemhai invêta siemtu, mi varhai innghat kîrtir a, an hrietna invêtthlâka siemtu,

JOHAN 13:18

In rênga thu ka hril nawh; ka ithlang hai chu ka hriet, nisienlakhawm, chu chu, ‘Ka bei fatu chun, A kekhawng chu ka chungah ân let tah,’ ti Pathien Lekha Thu kha a hung tlung theina dingin a nih.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

JAKOB 3:15

Chu varna chu chung tienga inthawka hung thla chu a ni naw a, khawvêl le taksa châkna le khawhria inthawk a ni lem.