2 SAMUEL 15:2 - Pathien Lekhabu Inthieng (BSI)

² Chun, Absalom chu zîngkâr hin a tho a, kul kawtkhâr lampuia chun a lo ngîr hlak a; chun, lal kuoma thupawi hung hril ding taphawt chu Absalom chun a lo ko hlak a, “Khâwlai khuo am in ni a?” a lo ti pei hlak a. Chun, “I siehlaw hi Israel hnam laia hnam pakhat ka nih,” an ti pei hlak a.

2 SAMUEL 15:2 ပူးပေါင်းရင်းမြစ်များ

INṬANNA 34:20

Chun, Hamor le a naupa Sekem chun an khaw kul kawtkhâr chu an tlung a, an khuohai chu an biek a,

2 SAMUEL 19:8

Chuongchun, lal chu a tho a, kul kawtkhâra chun a ṭhung a; “Ngai ta u, lal chu kul kawtkhâra chun a ṭhung a,” tiin mipui po po chu an hril a; chun, mipui po po chu lal hmaa chun an va fe ta a.

2 CHANCHIN SUINA 10:7

Anni chun a kuomah, “Hi mipui chunga hin za i ngai a, anni hi i suklungawi a, an kuomah thu ṭha i hril chun kumkhuoin i siehlawhai nîng an tih,” an ta.

JOB LEKHABU (THE BOOK OF JOB) 24:14

Tuolthattu chu vârṭiena thoin, mi tlasam le pasie chu a that a; Zân huna chun inru ang a nih.

FESUOKNA 18:14

Mosie tarpupa chun mipui kuoma a thilthaw po po chu a hmu chun, “Mipui ta dinga i thaw hi ieng thil am a na? Iem a ti a nang i khât bakin în ṭhung a, mipui chu i vêlah zîngkâra inthawk zântieng chena an ngîr hi?” a ti a.

FESUOKNA 18:16

Thubuoi an nei pha ka kuomah an hung a; chun, a vênghai le mi dang kâra thu chu ka rêl a, Pathien dân ziekhai le a dânhai chu ka lo inhriettir hlak a nih,” a ti a.

FESUOKNA 18:26

Anni chun ieng huna khawm mipui ro chu an rêlpêk a, thubuoi intakhai chu Mosie kuomah an hung intlun a, thubuoi chînhai ruok chu annîn an lo rêl ta a.

THUVARHAI 4:16

Thil pawi an thaw zet naw chun an in ngai si naw a; Mi ṭhenkhat bêk an sukthlûk naw chun, an îmu chu lâk hmang a ni hlak.

DANIEL 11:21

Chun, ama hmuna chun mi hmusitumtak hung ngîrsuok a ta, ama kuoma chun ram ropuina chu pêk ni naw ni; nisienlakhawm, muongna hun laitak hung a ta, simbudawiin ram chu lâng a tih.

MATTHAI 27:1

Chun, zîngkâr a hung ni chun, thiempu lalhai le vântlâng upahai po po chu Isu sukhlum dingin a chungthuah an inrâwn a;

DÂN PAHNINA 17:8

“Inthat thua dâm, sum le pai thua dâm, invuok thua dâm, in umnaa inkhingna thu hrim hrima dâm in ta dinga rêl intak taluo a hung um chun, Lalpa in Pathienin hmun a la ruot dinga chun fêng in ta,

RUTH 4:1

Chuongchun, Boaz chu kul kawtkhâra chun a hang fe a, chutaka chun a ṭhung a. An laibung bul Boazin a hril kha a hung chun, “Ruola, taka hin la hung la, hung ṭhung ta,” a ti a. Ama chu a va fe a, ân ṭhung a.