2 SAMUEL 15:18 - Pathien Lekhabu Inthieng (BSI)

¹⁸ Chun, a mi po pohai chun an fe khêl a, chun, Kerith mi po pohai, Peleth mi po pohai le Git mi za ruk Gath-a inthawka ama hung zuituhai chun lal chu an pêl pei a.

2 SAMUEL 15:18 ပူးပေါင်းရင်းမြစ်များ

2 SAMUEL 15:17

Chun, lal chu a suok a, mipui po pohai chun an zui a, chun, in tâwpna taka chun an châwl hri a.

2 SAMUEL 18:2

Chun, David chun mihai chu a tirsuok a, hmun thuma ṭhea hmun khat chu Joab chun ân rawi a, hmun thuma ṭhea hmun khat chu Joab unaupa Zeruia naupa, Abisaiin ân rawi a, hmun thuma ṭhea hmun khat chu Git mi Ittai chun ân rawi a. Chun, lal chun mipuihai kuomah, “Keima ngei khawm in kuomah fe ve ngei ngei ka tih,” a ta.

2 SAMUEL 20:23

Joab chu Israelhai po po sipai hotu a na, chun, Jehoiada naupa Benaia chu Kereth mi le Peleth mihai hotu a nih;

2 SAMUEL 20:7

Chuongchun, Joab rawihai, Kereth mihai le, Peleth mihai le an mi hrâthai po po chun ama an zui suok ta a; Jerusalema inthawk chun Bikri naupa Seba chu hnawt dingin an suok ta a.

2 SAMUEL 6:10

Chuongchun, David chun David khuoa chun Lalpa bâwm chu a kuomah a lâk nuom ta naw a, David chun Git mi Obed-edom ina chun a sie ta lem a.

2 SAMUEL 8:18

chun, Jehoiada naupa Benaia chu Kereth mi le Peleth mihai hotu a nih; chun, David naupasalhai chu thiempu an nih.

1 LALHAI 1:38

Chuongchun, thiempu Zadok hai, zâwlnei Nathan hai, Jehoiada naupa Benaia hai, Kereth mihai, Peleth mihai chu an zu fe a, Solomon chu David sabengtung chunga chun an inchuongtir a, Gihon hmuna chun an ṭhuoi a.

1 CHANCHIN SUINA 18:17

Jehoiada naupa Benaia chu Kereth le Peleth mihai chunga hotu a nih; chun, David naupasalhai chu lal tienga hotu an nih.

1 SAMUEL 23:13

Chuongchun, David le a mihai za ruk lai chu an tho a, Keila khuoa inthawk chu an suok a, fena remchâng natieng poa chun an fe ta a. Chun, David chu Keila khuoa inthawkin a tlân suok tah ti Saula an hril a; chuongchun, inthawk suok chu a ṭhul ta a.

1 SAMUEL 25:13

Chun, David chun a mihai kuoma chun, “In kâwlhnâm pai seng ro,” a ta. Chun, an kâwlhnâm chu an pai seng a, David khawm chun a kâwlhnâm chu a pai a; mi za li laiin David chu an hang zui a; chun, mi za hni chu thuomhnaw nghâkin an um a.

1 SAMUEL 27:3

Chun, David chu ama le a mihai leh, mi tin an sûngkuoin, David khawm a nuhmei pahnihai Jezreel mi Ahinoam le Nabal nuhmei Karmela mi Abigail leh, Gath khuoah Akis kuomah an um ta a.

1 SAMUEL 27:4

Chun, David chu Gath khuoah a tlân ti Saula chu an hril a, chuongchun, a zawng nâwk ta naw a.

1 SAMUEL 30:1

Chun, a ni thum nia David le a mihaiin Ziklag an tlung chun Amalek mihaiin Simtieng le Ziklag khuo chu an lo rûn zing ta a. Ziklag khuo chu an lo sawisa a, an lo raw a;

1 SAMUEL 30:14

Kereth Sim ram le Juda chan Sim ramhai kan rûn a, chun, Kaleb Sim ram kan rûn bawk a; chun, Ziklag khuo khawm kan raw a,” a ta.

1 SAMUEL 30:9

Chuongchun, David chu a fe ta a, ama le a kuoma mi za rukhai le chun; chun, Besor vadung chu an va tlung a, chutaka chun an mi mâksanhai chu an um a.