2 SAMUEL 15:10 - Pathien Lekhabu Inthieng (BSI)

¹⁰ Nisienlakhawm, Absalom chun, “Tawtawrâwt ri in hriet phingleh, ‘Absalom chu Hebronah lal a nih,’ ti ro,” tiin Israel hnam po pohai lai mi a tir rûk ta hlau a.

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

2 SAMUEL 14:30

Chuongchun, a siehlawhai kuomah, “I aw, Joab lo chu ka lo kâwl a na, buṭei a nei a, va rawpêk vawng ro,” a ta. Chuongchun, Absalom siehlawhai chun lo chu an va raw ta a.

2 SAMUEL 15:9

Chun, lal chun a kuomah, “Lungmuongtakin fe raw khai,” a ta. Chuongchun, a tho a, Hebrona chun a fe ta a.

2 SAMUEL 19:10

Chun, Absalom ei lal dinga hriek ei nâl chu indonaah a thi tah si a, iengdinga lal chu baukhat bêka a ko kîr zâi in rêl naw am a ni leh?” tiin Israel mi po pohai chu an insêl ta mur mur el a.

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 2:11

Davidin Hebrona Juda chihai chunga ro a rêlna chu kum sari le thla ruk a ni ta a.

2 SAMUEL 5:5

Hebrona chun Judahai chungah kum sari le thla ruk ân lal a; chun, Jerusalemah Israelhai le Judahai po po chungah kum sâwmthum le kum thum ân lal bawk a.

1 LALHAI 1:11

Chuongchun, Nathan chun Solomon nu Bathseba kuoma chun, “Haggith naupa Adonija hi ei lalpa David hriet lovin ân lal el a ni ta hi ti i hriet naw am a nih?

1 LALHAI 1:34

chun, chutaka chun thiempu Zadok le zâwlnei Nathanin ama chu Israelhai po po chunga lal dingin hriek zu nâl raw hai se, chun, in tawtawrâwthai mût in ta, ‘Pathienin lal Solomon hi humhim raw se,’ ti ro.

2 LALHAI 9:13

Chuongchun, mi tinin an puon chu an hlîp hmawk hmawk a, kailâwn chunga chun an phapêk ta seng a, “Jehu chu lal a ni tah,” tiin tawtawrâwt an mût ta a.

1 CHANCHIN SUINA 11:3

Chuongchun, Israel upahai po po chu Hebronah lal kuoma chun an hung a, David chun Lalpa hmaah Hebrona chun anni le chun thuthlung a siem ta a; Samuel kuta Lalpa thu ang peiin David chu Israel lal ni dingin hriek an nâl ta a.

1 CHANCHIN SUINA 12:23

Hienghi Lalpa thu ang pei a, Saula ram chu ama kuoma pe dinga Hebrona David kuoma, indo dinga inthuom saa hunghai hotuhai nizât chu a nih.

1 CHANCHIN SUINA 12:38

Hieng mi po po, indo thiem mi, indona chu a pâwl pâwla rêl fel thiem mihai hi, Israel po po chunga David chu lala siem dingin Hebrona chun lungril hmunkhat putin an hung tâwl a; chun, Israel laia mi dang hrim hrim khawm chu David chu lala siem ding thua chun lungril hmunkhatin an um a.