2 SAMUEL 14:25 - Pathien Lekhabu Inthieng (BSI)

²⁵ Tuhin Israelhai po po lai Absalom ang hrima hmêl ṭhata inpâk hlaw tukhawm an um naw a, a ke lêra inthawka a lusîp chenin sawisêlna hrim hrim a um naw a.

2 SAMUEL 14:25 ပူးပေါင်းရင်းမြစ်များ

1 LALHAI 1:6

A pa hlak chun ieng lai khawma, “Iengdinga hienga i thaw am a ni leh?” tiin a suklungawi naw ngai si naw a; chun, ama hi hmêl ṭhatak a na, Absalom hnuoia mi a nih.

JOB LEKHABU (THE BOOK OF JOB) 2:7

Chuongchun, Setan chu Lalpa hmâihmaa inthawk chun a fe suok ta a, Job chu a kephaa inthawka a lusîp chenin khuoihli pânnain a hrem ta a.

THUVARHAI 31:30

Ditsakna hi hmusitum a na, mawina khawm hi teplo mei mei a nih, Amiruokchu, nuhmei Lalpa ṭitu chu, ama chu inpâkin um a tih.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping naw a, an tuom bawk naw a, sahriek khawm an nâl bawk nawh.

EZEKIEL 23:15

an kâwnghaia kâwngkhitnaa inkhit an luhaia lukâwm sukdum kâwma, hang en khawma lalhai ang, an piengna rama Kaldaia Babulon mi nina nei chie ruok an nih.

DANIEL 1:4

anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

MATTHAI 23:27

“Dân inchûktirtu le Pharisai vervêkhai, in chung a rik! Thlân nâl vâr, puo tienga mawitaka inlang, a sûng tieng ruok chu mithi ruhai le hmunhnawk tinrênga siphai ang chu in nih in sawnnaw.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

DÂN PAHNINA 28:35

Lalpain in khûpahai, in kea dâm, sukdam theilo khuoihli na chi invawitir a ti cheu a, in kephaa inthawka in lusîp chenin.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.

1 SAMUEL 9:2

Chun, ama chun naupa a nei a, a hming chu Saula a nih; tlangvâl pieng ṭhatak a na, Israel mihai laia chun ama nêka pieng ṭha hrim hrim an um naw a, a liengko nêka insâng mi dang hrim hrim an um nawh.