2 SAMUEL 14:2 - Pathien Lekhabu Inthieng (BSI)

² Chuongchun, Joab chun Tekoa khuoah mi a tir a, chutaka nuhmei var pakhat chu a vân ṭhuoitir a, a kuomah, “Lusûn angin insiem la, lusûnna puon sil la, sahriek khawm innâl lovin, nuhmei sâwttak mithi sûn ta angin um rawh;

2 SAMUEL 14:2 ပူးပေါင်းရင်းမြစ်များ

INṬANNA 38:19

Chun, a tho a, a inkhumna puon chu a hlîp a, a hmeithaina silfênhai chu ân bel nâwk ta a.

2 SAMUEL 11:26

Chun, Uria nuhmei chun a pasal Uria a thi ti a hriet chun a pasal chu a sûn a.

2 SAMUEL 12:20

Chuongchun, David chu hnuoia inthawk chu a tho a, ân sâwp a, sahriek ân nâl a, a puonhai ân thleng a; chun, Lalpa inah a fe a; Pathien chibai a bûk a; chun, a in tieng chun a fe nâwk a; chun, bu a hei lam a, a hmaa chun an hung sie a, a fâk ta a.

2 SAMUEL 20:16

Chuongchun, nuhmei var pakhat khuoa inthawk chun a hung khêk a, “Khai khai, Joab kuomah, ‘Hung hnâi raw khai, i kuomah thu lo hril ka ti khai,’ a tih, hang ti ro khai,” a ti a.

2 SAMUEL 23:26

Palti mi Helez, Teko a mi Ikkes naupa Ira,

1 LALHAI 14:2

Chun, Jeroboam chun a nuhmei kuomah, “Tho la, Jeroboam nuhmei a nih ti an hriet nawna ding chein insukdanglam la, Silo-ah va fe ta khai; ngai ta, chutaka chun zâwlnei Ahija, hieng mihai chunga lala ka la um dingzie, ka chungchâng thu hriltu kha a um ie.

1 LALHAI 14:5

Chun, Lalpain Ahija kuomah, “Ngai ta, Jeroboam nuhmei a naupa chungchâng thua râwn ding chein a hung a; a damnaw a na, hieng ang hin lo hril rawh; hieng ang hi nîng a ta, a hung lût pha chun, nuhmei dang ni âwmtakin a hung insiem ding a nih,” a ta.

2 CHANCHIN SUINA 11:6

Bethlehem dâm, Etam dâm, Tekoa dâm,

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang fe a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; Lalpa in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

NEHEMIA 3:27

A dawta chun Teko-haiin hmun dang, in insâng lientak va lawr zâwn le Ophel kul chenin an siem ṭha a.

NEHEMIA 3:5

Anni dawta chun Tekoa-haiin an siem ṭha a; nisienlakhawm, an mi lienhai chun an hotu sina chun an rîng an va rawl nuom ve naw a.

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

THUHRILTU 9:8

I silfênhai chu vâr zing zing sienla, i lu khawm chu sahriek intlâksamtir naw rawh.

JEREMIA 6:1

Nangni Benjamin thlahai, Jerusalem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake-rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk si a.

AMOS 1:1

Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

MATTHAI 6:17

Nang ruok chun bu i nghei pha i lu sahriek nâl la, i hmai phi rawh;

RUTH 3:3

Insil la, sahriek innâl la, i incheina puon ṭha takhai sil la, hrizâwla chun zu fe rawh: amiruokchu, ama chu fâk le dâwn ân zo hmakhat chu a kuomah inhriettir dêr naw rawh.