2 SAMUEL 12:8 - Pathien Lekhabu Inthieng (BSI)

⁸ chun, i pu in ro chu kân hluotir che a, i pu nuhmeihai chu i ângsûngah ka sie a, Israel le Juda sûngkuohai ka pêk bawk che a, chun, chuong chu tlâwm taluo a ni chun, thil dang khawm ka pêk belsa ding che annâwm.

2 SAMUEL 12:8 ပူးပေါင်းရင်းမြစ်များ

2 SAMUEL 12:11

Lalpa chun hieng ang hin a ti a nih, ‘Ngai ta, nangma sûngkuo laia inthawk ngeiin i chungah thil ṭha naw insuoktir ka ta, i mithmu ngeiah i nuhmeihai chu lâkpêk ka ti che a, i vênghai pêng ka ta, sûn khawvarah i nuhmeihai chu zâlpui an tih.

2 SAMUEL 12:2

Mi hausa chun berâm ruol tamtak le ran ruol tamtak a nei a;

2 SAMUEL 2:4

Chun, Juda rama mihai an va fe a, Juda mihai chunga lal dingin David chu hriek an nâl ta a. Chun, “Saula phûmtuhai chu Jabes-gilead mihai an nih,” tiin David chu an hril a.

2 SAMUEL 5:5

Hebrona chun Judahai chungah kum sari le thla ruk ân lal a; chun, Jerusalemah Israelhai le Judahai po po chungah kum sâwmthum le kum thum ân lal bawk a.

2 SAMUEL 7:19

Aw Lalpa PATHIEN, chuong khawm chu nanga mithmua chun thil chîn tham el chu a na, nisienlakhawm, i siehlaw sûngkuo hung umdân ding chu kum tamtak sûnga khan i lo hril ta bawk a, Aw Lalpa PATHIEN, hienghai khawm hi mihriemhai thaw dân ang bawk a na.

2 SAMUEL 9:7

Chun, David chun a kuomah, “Ṭi naw rawh, i pa Jonathan zârah lunginsiet ngei ngei ka ti che a, i pu Saula ram po po inneitir nâwk ka ti che a; chun, ka dawkânah buthlêng awt ve rawp ta hlak i tih,” a ta.

1 LALHAI 2:22

Chun, lal Solomon chun a dawn a, a nu kuoma chun, “Iengtiziea Sunam mi Abisag hi Adonija ta dinga hni am i ni leh? Ram khawm hi hnipêk law law ta la; ama chu ka u a ni annâwm, ama ta ding le thiempu Abiathar ta ding le Zeruia naupa Joab ta ding khawma hni raw chu,” a ta.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 86:15

Nisienlakhawm, aw Lalpa, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?

1 SAMUEL 15:19

Iengdinga Lalpa thu chu zâwm lo a, râllâk thil chu a bawin i baw a, Lalpa mithmua thil ṭha naw i thaw el am?” a ta.