2 SAMUEL 12:5 - Pathien Lekhabu Inthieng (BSI)

⁵ Chuongchun, David chu chu mi chunga chun a lunginsen ta hle el a; Nathan kuoma chun, “Lalpa hringna sâlin ka hril hi, chu thil thawtu chu sukhlum el tlâk a ni chu,

2 SAMUEL 12:5 ပူးပေါင်းရင်းမြစ်များ

INṬANNA 38:24

Thla thum vêl amani hnunga chun Juda chu, “I monu Tamar chun tlangvâl a dit a, chunawa khawm, ngai ta, sâwn a pai nghe nghe annaw,” tia hril a ni a. Juda chun, “Ṭhuoi suok unla, raw hlumin um raw se,” a ti a.

2 SAMUEL 12:4

Chun, mi hausa kuoma chun inzin pakhat hi a va tlung a; chun, a kuoma mikhuol hung tlung chu ama berâm le ran chu that phal lovin, mi pasie berâm chu a lâkpêk a, a kuoma hung inzinpa chu a thatpêk a,” a ta.

2 SAMUEL 14:8

Chun, lal chun nuhmei kuoma chun, “I inah fe ta la, i chungchâng thua chun thu pe el ka ti che,” a ta.

LUKA 9:55

Ama ruok chu a hang ngha a, a baukhat a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:1

Chuleiin, aw mihriem, mi sawisêltu tûkhawm ni la, suonlam hrim i nei nawh, mi dang i sâwisêlna ngeia chun nang le nang thiemnaw inchangtir i nih i sawnnaw! nang a sawisêltu ngei khawma, chuong ang thil chu i thaw ve hlak si a.

1 SAMUEL 14:39

Israelhai sandam hlaktu Lalpa hringna sâlin ka hril a nih, ka naupa Jonathan thilthawa khawm lo ni a ni chun a thi ngei ngei ding a nih,” a ta. Nisienlakhawm, mipui laia mi chun tukhawm a dawn hrim hrim an um naw a.

1 SAMUEL 20:31

Jesai naupa hi, hi hnuoia a um sûng phawt chun sukdet ni naw ti ni a, i ram khawm. Chuleiin, inkotir nghâl la, ka kuomah hung inṭhuoitir rawh, a thi ngei ding a nih,” a ta.

1 SAMUEL 26:16

I thilthaw dân hi a ṭha naw a nih. Lalpa hringna sâlin ka hril a nih, Lalpa hrieknâl i pu chu i vêng ṭhat naw leiin thi el tlâk i nih. Lal lu thluona fei le tuiûm um kha khâwlai am a um tah hang en ta hman,” a ta.