2 SAMUEL 12:31 - Pathien Lekhabu Inthieng (BSI)

³¹ Chun, mipuihai chu a kei suok a, thingâtnahai dâm, hnuoi inletna thîrzumhai dâm, thîr hreipuihai dâm hmangin sin an inthawtir a; hnuoi rawchang dâm an insiemtir a. Ammon mihai khawpuihai po po chu chuong ang chun a thaw a. Chun, David le mi po po chu Jerusalema chun an fe nâwk ta a.

2 SAMUEL 12:31 ပူးပေါင်းရင်းမြစ်များ

2 SAMUEL 8:2

Chun, Moab mihai a thaw nâwk a, a hnuoiah ân zâltir a, inkhina hruiin ân khi a; tlar hni chu sukhlum dingin ân khi a, tlar khat chu a tluona hring dingin ân khi a. Chuongchun, Moab mihai chu David siehlawhai an hung ni ta a, thilpêkhai dâm an hung pêk hlak a.

1 CHANCHIN SUINA 20:2

David chun an lal lua inthawk chun lallukhum chu a lâk a, rângkachak talent tluka rik a nih, lunghluhai khawm a um bawk a; chu chu David lu chunga chun inkhumtir a ni ta a, khawpuia râllâk sumhai chu a hung lâk suok a, tam tak el a nih.

1 CHANCHIN SUINA 20:3

Chutaka um mihai chu a hung ṭhuoi suok a, hreipui le thîr kuoikimhai le thing âtnahaiin anni chu sin ân thawtir tâwl a. Chuong ang seng chun David chun Ammon mihai khawpui po poa chun a thaw a. Chun, David le a mihai po po chu Jerusalema chun an kîr nâwk ta a.

JEREMIA 43:9

“Lung lientak takhai i kutin la la, Juda mihai mithmua chun, Tahpanhesa Pharao in lûtna bula um, ṭêklei siemna hmuna a chârna chira chun phûm rawh;

AMOS 1:13

Lalpain hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 1:14

chuleiin, Rabba khaw kul chungah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

AMOS 1:3

Lalpain hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

HEBRAIHAI 11:37

lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

JOSUA 10:15

Chun, Josua le Israel mihai po po chu Gilgala an riebûka chun an kîr nâwk vawng ta a.