2 SAMUEL 12:24 - Pathien Lekhabu Inthieng (BSI)

²⁴ Chuongchun, David chun a nuhmei Bathseba chu a thlamuon a, a kuomah a lût a, a zâlpui a, chun, naupasal a nei a, a hminga chun Solomon a sak a. Chun, ama chu Lalpain a hmangai a;

2 SAMUEL 12:24 ပူးပေါင်းရင်းမြစ်များ

2 SAMUEL 12:25

chun, zâwlnei Nathan chu thu ân chawitir a; chun, ama chun Lalpa hming chawiin a hminga chun Jedidia a sak a.

2 SAMUEL 5:14

Chun, Jerusalema a neihai hming chu hieng hi an nih; Sammua, Sobab, Nathan, Solomon,

2 SAMUEL 7:12

I nihai a kina, i puhai kuoma i zâl pha chun, i hnunga i thla, i rîla ra ding chu tungding ka ta, a ram chu sukdet ka tih.

1 LALHAI 1:10

Zâwlnei Nathan hai, Benaia hai, mi huoisenhai le a unaupa Solomon ruok chu a fiel ve naw a.

1 LALHAI 1:11

Chuongchun, Nathan chun Solomon nu Bathseba kuoma chun, “Haggith naupa Adonija hi ei lalpa David hriet lovin ân lal el a ni ta hi ti i hriet naw am a nih?

1 CHANCHIN SUINA 29:1

Chun, lal David chun mipui inkhâwmhai po po kuoma chun, “Ka naupa Solomon Pathienin ama ngei a hung thlang hi, a la naupangin a la dâwng a, sin hlak chu a nasa hle a; a in chu mihriem ta ding ni lovin, Lalpa Pathien ta ding a ni si a.

1 CHANCHIN SUINA 3:5

Chun, hienghai hi Jerusalema piengpêkhai chu an nih; Ammiel naunu Bathsua inei pali; Simea hai, Sobab hai, Nathan hai, Solomon hai hi;

NEHEMIA 13:26

“Israel lal Solomon khawm kha hieng thilhaia hin a suol a ni naw am a nih? Chuong sa khawm chun hnam tamtak laia ama ang lal an um naw a, a Pathien mi dit zâwng tak a na, Israel ram po po chungah Pathienin lalah a siem bawk a; nisienlakhawm, ama meu khawm chu ram dang nuhmeiin an suksuol el ta a nih.

THUVARHAI 4:3

Ka pa ta dingin naupasal ka na, Ka nu mithmua chun duotum le dittak ka ni ngâwk a.

MATTHAI 1:6

Jessaiin lal David a thla a; chun Davidin Uria nuhmei leh, Solomon a thla a;

DÂN PAHNINA 33:12

Chun, Benjamin chungthua chun, “Lalpa dittak chu a kuomah himin um a tih; Sûnnithlâkin awp a ta, Paw hlak a tih,” a ta.