2 SAMUEL 12:17 - Pathien Lekhabu Inthieng (BSI)

¹⁷ Chun, a sûnghai laia upahai chu an tho a, hnuoia inthawka keitho ding chun a kâwlah an ngîr a; nisienlakhawm, a tho nuom naw a, an kuoma khawm bu khawm a fâk bawk nawh.

2 SAMUEL 12:17 ပူးပေါင်းရင်းမြစ်များ

INṬANNA 24:2

Chun, Abraham chun a siehlaw, a in sûnga upa tak, a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh;

INṬANNA 37:35

A naupasalhai po po le a naunuhmeihai po po chu ama thlamuon dingin an tho a; nisienlakhawm, ama chun thlamuon a nuom naw a, “Ni lo, lusûn pumin thlânah ka naupa kuomah ka fe ding a nih,” a ti a. Chuongchun, a pa chu ama ngaiin a ṭap hlak a.

2 SAMUEL 12:18

Chun, hieng hi a hung na, ni sari ni chun naupang chu a thi ta a. Chun, David siehlawhai chun naupang chu a thi tah ti hril chu an ṭi a, “Ngai ta u, naupang a dam lai khan a kuomah thu ei hril a, ei râwl a ngai si naw a, naupang chu a thi tah ti iengtin am hril ngam tâng ei ti leh, ieng amanih inlaw el rawi a tih,” an ta.

2 SAMUEL 3:35

Chuongchun, sûn a la ni laiin David chu bu infâktir dingin mi po po chu an hung a; nisienlakhawm, David chun, “Nisa tlâk hmaa bu amanih thil dang amani khawm a fâka ka fâk vai chun Pathien chun a law law mi law raw se, chu nêka nasa khawmin,” tiin ṭawng ân khâm a.

INPÂKNA HLABU 102:4

Ka lungril hi hlobet anga em hlumin a um a, a vuoi zo tah: Bu fâk khawm ka theinghil si a.

DANIEL 6:18

Chun, lal chu a lal ina chun a fe a, chu zân chu bungheiin a hmang zo tah a; a hmaa chun thil rimawihai hung lâkin a um ta naw a, a imu chu amaa inthawkin a zâm hmang ta a.

1 SAMUEL 28:23

Nisienlakhawm, a nuom naw a, “Fa naw ningah,” a ta. Nisienlakhawm, a siehlawhai chun nuhmei le chun an tir ṭâl a, an thu chu a awi ta a. Chuongchun, hnuoia inthawk chu a tho a, khuma chun a ṭhung a.