2 SAMUEL 12:16 - Pathien Lekhabu Inthieng (BSI)

¹⁶ David chun naupang ta ding chun Pathien kuomah a ngên rak a; chun, David chun bu dâm a nghei a, a lût a, zân khawvârin hnuoiah a zâl ta a.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Chuongchun, Nathan chun a in tieng a fe san ta a. Chun, Uria nuhmei David a neipêk naupang chunga chun Lalpa chun a kut a thlâk a, a na ta hle el a.

2 SAMUEL 12:22

Chun, ama chun, “Naupang kha a la dam lai khan bu dâm ka ngheiin ka ṭap luo a, ‘Naupang chu a dam theina dingin Lalpa chun a mi lunginsiet rawi mawh, tuin am hrieng ei ta?’ ka ti a na.

2 SAMUEL 13:31

Chuongchun, lal chu a tho a, a silfênhai a keithlêr a, hnuoiah a zâl ta a; chun, a siehlawhai po po chu an silfênhai keithlêrin a kâwla chun an ngîr a.

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

NEHEMIA 1:4

Chuong thu chu ka hriet chun ka ṭhung chawt a, ka ṭap a; ni ieng zât amani chu lungngaiin ka um a; chun, bu ka nghei a, vân Pathien hmaa chun ka ṭawngṭai a;

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 69:10

Ka ṭap a, bu nghei puma ka hringna ka thunun leh, Chu chu an mi hrilsietna a hung ni pei a.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

DANIEL 6:18

Chun, lal chu a lal ina chun a fe a, chu zân chu bungheiin a hmang zo tah a; a hmaa chun thil rimawihai hung lâkin a um ta naw a, a imu chu amaa inthawkin a zâm hmang ta a.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

THILTHAWHAI 9:9

Ni thum khaw hmu lovin a um a, iengkhawm a fâkin a dâwn naw a.

JOSUA 7:6

Josua chun a puonhai a keithlêr a, ama le Israel upahai chu Lalpa bâwm hmaa chun an hmaia hnuoi sikin zântieng chenin an bawkkhup a; an luah pilvut an inphul a.