2 SAMUEL 10:12 - Pathien Lekhabu Inthieng (BSI)

¹² Huoitakin um unla, ei mihai le ei Pathien khuohai sanin insuk pasal ei tiu; chun, Lalpa chun ṭha a ti ang peiin thaw raw se,” a ta.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

“Suria mihai hi ka hne naw ding chun nangin mi ṭhangpui i ta, chun, nangin Ammon mihai hi i hne naw ding chun hung ṭhangpui ka ti che.

2 SAMUEL 15:26

amiruokchu, ‘Nangmaah lâwmna hrim ka nei nawh,’ a ti chun, ngai ta, hieng el hi ka na, ṭha a ti ang angin ka chunga hin thaw el raw se,” a ta.

1 CHANCHIN SUINA 19:13

Insukhuoi unla, ei hnam le ei Pathien khawpuihai sanin insukpasal ei tiu: chun, Pathien chun ṭha a ti ang peiin thaw raw se,”a ta.

2 CHANCHIN SUINA 32:7

“Hrât unla, insukhuoi ro, Assuria lal lei chun ṭi naw unla, beidawng bawk naw ro; ama kuoma um mipui nasatakhai lei khawm chun, ama kuoma um nêk chun eini kuoma um chu a hrât lem si a;

NEHEMIA 4:14

Chun, ka hang en vêl a, ka tho a, mi ṭhahai le rorêltuhai le mi danghai kuoma chun, “Anni chu ṭi dêr naw unla, Lalpa ropuitak le, ṭiumtak el chu hre zingin in unauhai, in naupasalhai, in naunuhmeihai, in nuhmeihai, in inhai hum dingin thaw ro khai,” ka ti a.

NEHEMIA 4:8

chuongchun, Jerusalem chu hung thawa buoina siem chu an rawt tâwl ta a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; Lalpa chun a pêk a, Lalpa chun a lâk hmang nâwk tah a ni chu; Lalpa hming chu inpâkin um raw se,” a ta.

NAMBAR 13:20

Chun, huoitakin um unla, chu rama theirahai chu hung phur ro,” a ta. Grêp ra hmasa ra hun lai tak a nih.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

DÂN PAHNINA 31:6

Hrâttak le huoitakin um unla, ṭi naw ro, anni chu ṭi bawk naw ro; in kuoma fe ve chu Lalpa in Pathien a ni si a; inhlâwsamtir naw ni cheu, mâk khawm mâksan naw tawp a ti cheu,” tiin.

DÂN PAHNINA 31:7

Chun, Mosie chun Josua chu a ko a, Israel mi po pohai mithmuah a kuomah, “Hrâttak le huoitakin um rawh, hieng mihai kuoma hin an pi le puhai Lalpain inkhâma pêk a lo tiem ta rama chun i fe ve ding a nih, anni hi în hluotir ding a nih.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

JOSUA 1:18

Tukhawm i thupêk chunga hela, thu i pêk taphawt zâwm nuom lo chu sukhlum ding nîng an tih, hrâttak le huoitakin um phawt el rawh,” tiin.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.

RORELTUHAI 10:15

Chun, Israel mihai chun Lalpa kuomah, “Thil kan lo suksuol tah a nih; nangin ṭha i ti ang angin kan chungah thaw la, kan hni che hi, a san ruok chu vawisûn hin mi hung sansuok hrâm raw khai,” an ti a.

1 SAMUEL 14:12

Chun, râl vêngtu sipaihai umnaa mihai chun Jonathan le a râlthuom chawitu chu, “Hung unla, thil ieng amanih lo inentir kan ti cheu,” tiin an lo ko a. Chun, Jonathan chun a râlthuom chawitu kuoma chun, “Mi hung zui raw khai, Lalpa chun anni chu Israelhai kutah a pêk tah a nih,” a ta.

1 SAMUEL 14:6

Chun, Jonathan chun, a râlthuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; Lalpa chun thil a mi thawpêk khiet rawi mawh; Lalpa ta ding chun a tam amanih, a tlâwm amania sandam chu iengkhawm a thei nawna a um chuong si naw a,” a ta.

1 SAMUEL 17:32

Chun, David chun Saula kuomah, “Ama lei chun tu lungril khawm ṭi naw raw se; i siehlaw hin chu Philistin mi chu va thâwng ka tih,” a ta.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei naw a. Chun, ama chun, “Lalpa a nih annâwm, ṭha a ti ang peiin thaw raw se,” a ta.

1 SAMUEL 4:9

Aw, nangni Philistin mihai, in siehlawa an um ang khan Hebraihai siehlawah in um nawna dingin hrâttakin um unla, insukpasal ro khai, insukpasal unla thaw pei ro,” an ta.