2 SAMUEL 1:21 - Pathien Lekhabu Inthieng (BSI)

²¹ Nangni Gilboa tlânghai, In chungah dâidâw le ruo khawm tla naw raw se; thil inhlân ding khawm insuo bawk naw ro. Chutaka chun mi thilthawthei phaw chu tirdakumtakin an pei si a; Saula phaw, hrieknâl lo mi phaw ang elin.

2 SAMUEL 1:21 ပူးပေါင်းရင်းမြစ်များ

1 CHANCHIN SUINA 10:1

Chun, Philistin mihai chun Israelhai chu an hung do a, chuongchun, Israel mihai chu Philistin mihai hmaa inthawk chun an tlânsie a, Gilboa tlânga dâm chun anni chu thatin an tlu tâwl a.

1 CHANCHIN SUINA 10:8

Chun, a zînga Philistin mihaiin an râl thathai thuom chu hlîp dinga an hung chun Saula le a naupasalhai chu Gilboa tlânga chun an lo tlu ve zing ti an hmu ta a.

HLAHAI HLA 4:4

I rîng chu Davidin râlthuom siena dinga a bâwl in insâng ang chu a nih, Chutaka chun âwmphaw sâng khat an khai a, Mi hrât khawkhênghai phawhai po po chu.

ISAI 21:5

Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

EZEKIEL 31:15

“Lalpa Pathien chun hieng hin a tih; Hremhmuna a fe thlâk ni chun, sûnna ka siem a; ama ta dingin li inthûk chu kân khum a, chutaka vadungpuihai chu ka sukchâwl a, tui nasatakhai khawm chu an châwl ta a; chun, Lebanon chu ama sûn dingin ka siem a, chun, rama thinghai po po chu ama lei chun an thidang a.

JOEL 1:9

Beiphit inhlân dâm, dâwn ding inhlân dâm chu Lalpa ina inthawka sukbo a na, thiempu Lalpa rawngbâwltuhai chu an lungngai a.

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

RORELTUHAI 5:23

Lalpa vântirkoin, ‘Meroz chu ṭawngsie inphur ro, Chutaka umhai chu nasatakin ṭawngsie inphur ro. Lalpa ṭhangpui dinga an hung naw leiin, Lalpain mi hrâttak a thawnaa ṭhangpui ding chun,’ a tih.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 31:1

Chuongchun, Philistin mihai chun Israel mihai chu an do a, chun, Israel mihai chu Philistin mihai hmaa chun an tlânse a: Gilboa tlânga chun thatin an um ta zul el a.

1 SAMUEL 31:8

Chun, a zînga chun Philistin mihaiin an râl thathai thuom hlîppêk dinga an va fe chun Saula le a naupasal pathumhai Gilboa tlânga an lo thi chu an va hmu a.