2 PETER 3:17 - Pathien Lekhabu Inthieng (BSI)

¹⁷ Chuongchun, dittakhai, nangnîn chuong thu chu in lo hriet lâwk leiin fîmkhur ro, chuong naw chun, mi suolhai indik nawnaa ṭhuoi hmanga umin, in det ṭhat lai tlu rawi in tih.

2 PETER 3:17 ပူးပေါင်းရင်းမြစ်များ

THUVARHAI 1:17

Vate hrim hrim mithmua lên keiphar chu; A thlâwn el a ni si a.

MATTHAI 16:11

Bei thu in kuomah ka hril nawh ti iengtiziea in hriet naw am a na? Pharisaihai le Saddukaihai chawla inthawk ruok chun fîmkhur ro,” a ta.

MATTHAI 16:6

Isûn an kuomah, “Pharisaihai le Saddukaihai chawla inthawk chun invêng unla, fîmkhur ro,” a ta.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

JOHAN 16:4

Hieng thu hi in kuomah ka hril ta hi, a hun chu a hung tlung pha, ka hril ta cheu ti in hriet nâwkna dingin. Hieng thil hi a tîra inthawk ka la hril naw hrim cheu a nih, in kuoma ka la um leiin.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

1 KORINTH 10:12

Chuleiin, ngîra inngai in ni chun, in tlûk nawna dingin fimkhur ro.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

GALATI 5:4

Nangni Dâna thiem chang tumtuhai, Krista leh in inṭhe ta a, lunginsietna chu in tlûksan tah.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

PHILIPPI 3:2

Uihai laia chun fîmkhur ro, thil ṭha naw thawtuhai laia chun fîmkhur ro, mâni taksa sukrimsi hlakhai laia chun fîmkhur ro.

KOLOSSA 2:5

Ka taksain in kuomah um naw lang khawm, in felzie le Krista in ring detzie hre zingin lâwmtakin thlaraua chun in kuomah ka um si a.

KOLOSSA 2:8

Fimkhur ro, chuong naw chun, tûkhawmin Krista thu ang ni lovin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

2 TIMOTHE 4:15

Lalpa chun a thil thaw ang peiin thung a tih. A kuoma khan nang khawm fimkhurtakin um rawh, ei thu a kal nasa hle si a.

HEBRAIHAI 3:14

Krista changtuhai ei lo ni ta si a, ei ring san phutna kha a tâwp chena dettaka ei chel tlat phawt chun,

1 PETER 5:9

In unau khawvêla umhai chunga chun chuong anga tuorna chu a tlung ve a nih ti hrein, awi dettaka umin, ama chu do ro.

2 PETER 2:7

Lota mi fel, mi suolhai umdân hurtak leia lungngai bêk bêk chu a sandam ta a;

2 PETER 3:1

Dittakhai, tuta in kuoma ka ziek hi ka lekhathawn pahnina a na, chuonga chun, inhrietthartir ding cheuin, in lungril inthieng ka chawkhar ve ve a,

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.