2 PETER 3:14 - Pathien Lekhabu Inthieng (BSI)

¹⁴ Chuleiin, dittakhai, chuong ang thilhai chu in beisei leiin, inthiengnawna kai lo le sawisêl boin thlamuongtaka in um a hmu theina ding cheuin, taimâk insuo ro.

2 PETER 3:14 ပူးပေါင်းရင်းမြစ်များ

MATTHAI 24:26

Chuongchun, in kuomah, ‘Ngai ta u, thlalêrah a um,’ an ti cheu chun fe suok naw ro, ‘Pindan sûngrilah a um,’ an ti cheu chun awi nuom naw ro.

MATTHAI 25:7

Chu phingle chun nunghâk inthienghai chu an tho vawng a, an khâwnvarhai chu an siemrêl a.

LUKA 12:43

A pu a hung phaleh suok chuong anga thawa a hung hmu ding chu a hamṭha.

LUKA 2:29

“Lalpa, tuhin i thu ang peiin i suok hi thlamuongtakin în fetir ding a na;

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 15:58

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin. Annirawi laia hringna thu in inhlan pha chun, khawvêla hin sukvartu dingin insuklang ro.

PHILIPPI 3:20

Eini chu vân khuoletuihai ei ni si a. Sandamtu Lal Isu Krista hung ding chu ei nghâk zing a nih.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

1 TIMOTHE 6:14

ei Lalpa Isu hung inlar nâwk hmakhat chu thupêk kha sawisêlbo le inthiengtaka pawm dingin.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

2 PETER 3:1

Dittakhai, tuta in kuoma ka ziek hi ka lekhathawn pahnina a na, chuonga chun, inhrietthartir ding cheuin, in lungril inthieng ka chawkhar ve ve a,

2 PETER 3:16

A lekhathawn po poa chun chuong thu chu hrilin, chuong ang bawkin a ziek a nih; chuonga chun thu hriet intak takhai a um a, chuong chu mi var naw le mi det nawhaiin, Pathien Lekha Thu dang an ngai kawi angin an ngai kawi a, mâni le mâni an insukbohmang pha hlak a nih.

1 JOHAN 3:3

Tûkhawm ama chunga chu beiseina nei taphawt chu ama ân thieng angin ân sukthieng hlak.