2 PETER 3:10 - Pathien Lekhabu Inthieng (BSI)

¹⁰ Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

2 PETER 3:10 ပူးပေါင်းရင်းမြစ်များ

INPÂKNA HLABU 102:26

Chuonghai chu la bohmang a ta, nang ruok chu um zing i tih. Anih, chuong po pohai chu silfên angin la hlui a ta, Puon angin thleng i ta, hung danglam tâng a tih.

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo ta a.

INPÂKNA HLABU 97:5

Tlânghai chu khuoihlu ang hin Lalpa hmaah an intui hmang ta a, Khawvêl po po Lalpa hmaa chun.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 24:19

Hnuoi hi a kawi se vawng a, hnuoi hi sukboin a um tah, hnuoi hi nasatakin ân hnîng a.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 2:1

Ziona chun tawtawrâwt mût unla, ka tlâng inthienga chun inrâlringna sukri ro, hi ram sûnga mi po pohai chu inthin raw se; Lalpa ni chu a hung tlung mêk a, a hnai ta si a;

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

JOEL 3:14

Mipuihai, thusukthlûkna kâwna mipui um mur murhai! Lalpa ni chu thusukthlûkna kâwna chun a hnai ta si a.

AMOS 9:13

Lalpa chun, “Ngai ta u, nihai chu a hung tlung a ni tah, chuong nihaia chun hnuoi inlettu chun bu âttu chu hnawt phâk a ta, grêp chîltu chun chi thetu chu la hnawt phâk a ta; tlâng insâng chun uoin thlum infartir a ta, tlâng po po chu intui an tih.

AMOS 9:5

Ram chu tâwk a, suktuiraltu chu Lalpa, sipaihai Pathien chu a ni si a; chun, chutaka um po pohai chu lungngai an tih; chun, Vadung angin hung lien a ta, Aigupta Vadung angin kang nâwk a tih;

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

MALAKI 4:5

Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

MATTHAI 24:35

Hnuoi le vân bo a ta, ka thu ruok chu bo naw ni.

MARKA 13:31

Hnuoi le vân bo a ta, ka thu ruok chu bo naw ni.

LUKA 12:39

Amiruokchu, hi hi hre ro, inru a hung ding hun in neitu chun hre sienla, vêng a ta, a in inverpawptir naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:20

Thilsiem po pohai chu, thil teplo thu thua inumtirin an um tah; an nuoma um an ni naw a, ân umtirtu lei a ni lem a nih.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 5:5

mi chuong ang chu a thlarau Lalpa nia chun sandamin a um theina dingin a taksa chu sukbohmang dingin Setan pe inla ka ti a nih.

2 KORINTH 1:14

Ei Lalpa Isu nia chun nangni kan isuonghai in ni ding a nih ti nangni mi ṭhenkhatin in mi awipêk ta ang khan.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

1 THESSALONIKA 5:4

Nisienlakhawm, unauhai, nangni ruok chu, chu Ni chun inru anga a nangna ding cheuin inthimah in um nawh.

2 PETER 3:11

Chuong thilhai chu chuong anga bohmang vawng ding a nih ti in hriet leiin um dân inthieng le Pathien ngaisak kawnga chun mi ieng ang am in ni ding a na?

2 PETER 3:12

Pathien Ni hung tlung ding hun chu ṭhahnemngaitakin beisei zing ro. Chu ni chu a tlung chun vânhai chu kângin bohmang a ta, thil bulhai khawm chu meia emtuiin um tâng an tih.

2 PETER 3:7

nisienlakhawm, tuta vânhai le hnuoi umhai hi chu thu bawk lei chun Pathien ngaisak naw mihai rorêl le bohmang nia dingin khêkin, meia dinga inkhâwl khâwm a ni tah.

JUDA 1:6

Chun, vântirkohai anni nîna pawm lova, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.

THUPUONGSUO 21:1

Chun, vân thar le hnuoi thar ka hmu a; vân hmasa le hnuoi hmasa chu a bohmang ta a, tuipui khawm a um ta naw a nih.

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.

THUPUONGSUO 6:14

Vân chu lekhabu zuolmi zuola ân hmang angin, ân hmang ta a; tlâng le thlierkâr tinrêng chu an umnaa inthawkin sawnin an um ta a.