2 PETER 2:7 - Pathien Lekhabu Inthieng (BSI)

⁷ Lota mi fel, mi suolhai umdân hurtak leia lungngai bêk bêk chu a sandam ta a;

2 PETER 2:7 ပူးပေါင်းရင်းမြစ်များ

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 19:16

Ama hlak chu a la muong hle si a; chuongchun, Lalpain ama chu a lunginsiet leiin mihai chun a kuta le a nuhmei kuta le, a naunuhmeihai pahni kuta chun an chel a, chuongchun, an ṭhuoi suok a, khawhnâwma chun an sie ta a.

INṬANNA 19:22

Inhmaw la, chutaka chun tlân rawh, chu chu i tlung hmakhat chu iengkhawm ka thaw thei âwm si naw a,” a ti a. Chuleiin, chu khaw hminga chun Zoar an inbûk ta a.

INṬANNA 19:29

Chun, Pathienin phaizâwl khuohai chu a sukbohmang lai chun, Pathienin Abraham chu a hriet zing a, Lota umna khuohai a sukbohmang laiin Lota chu bohmangnaa inthawk a tir suok a.

INṬANNA 19:5

chun, Lota chu an ko a, a kuomah, “Vawizâna i kuoma mi hung lûthai kha khawlai am an um a? Anni kan pâwl theina dingin kan kuomah hung ṭhuoi suok rawh,” an ti a.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

JEREMIA 23:9

Zâwlneihai chungthua chun; ka lungril chu ka sûnga chun a kawise a, ka ruhai po po khawm ân hnîng a; zu inrui mi, mi uoinin a hne zet ang el chu ka nih; Lalpa lei le, Lalpa thu inthienghai lei chun.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

2 PETER 2:2

Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

2 PETER 3:17

Chuongchun, dittakhai, nangnîn chuong thu chu in lo hriet lâwk leiin fîmkhur ro, chuong naw chun, mi suolhai indik nawnaa ṭhuoi hmanga umin, in det ṭhat lai tlu rawi in tih.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.