2 PETER 2:6 - Pathien Lekhabu Inthieng (BSI)

⁶ Sodom le Gomorra khuohai chu ama ngaisak naw la hung um dinghai inentirna dingin a hmang a, vuta inchangtirin, sukbohmangin thiemnaw ân changtir ta a.

2 PETER 2:6 ပူးပေါင်းရင်းမြစ်များ

INṬANNA 19:28

Sodom le Gomorra khaw tieng le, phaizâwl po po tieng chu a thlîr a, a en zing a: chun, ngai ta, chu rama meikhu chu rawtuina meikhu ang elin a khu tung lui lui el a.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 13:19

Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

JEREMIA 50:40

Pathien chun Gomorra le Sodom le a vêl khuohai chu a pei thlâk lai ang khan, Lalpa chun a tih: chutaka chun mi chêng naw ni hai a, mihriem nau tukhawm chutaka chun inzin khawm vân zin naw ni hai.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

AMOS 4:11

“Sodom le Gomorra khuo chu Pathienin a sukchim lai angin nangni lai mi ṭhenkhat ka sukchim a, thing kâng ût lâk suok ang in na; chuong khawm chun ka kuomah in hung kîr nawh,” Lalpa chun a tih.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

NAMBAR 16:38

mei lâknahai chu hieng thilsuol thawtuhaiin thi pha hiela an inhlân a ni si a. Chuleiin, maichâm inkhumna phêk dinga sut ni raw se. Lalpa hmaa inhlân an na, chuleiin, an inthieng a nih; chu chu Israel mihai ta dinga inchikna nîng a tih,” tiin.

NAMBAR 26:10

Chu pâwl chu an thi lai chun hnuoiin a bâu a ka a, Kora hai le chun a lem ta a; Kora rawihai meiin mi za hni le sâwmnga a kâng hlum ṭum khan; chuonghai chu, inchikna a hung ni ta a.

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 11:23

Chun, nang Kapernaum, vân chena chawimawi i ni ding am a nih? Mithi khuo chenin i zu fe ding i sawnnaw. Nangmaa thilmak thawa umhai kha Sodoma thaw ni sienla, tu chen hin la um zing a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:29

Isai bawkin, “Mipuihai Lalpa chun chithlâtu mi lo hlapêk naw sien chu, Sodom angin lo um tâng ei ta, Gomorra anga siemin lo um tâng ei tih,” tia a lo hrillâwk ta ang khan.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

JUDA 1:15

mi po po chunga rorêl ding le, Pathien ngaisak nawhai po po Pathien ngaisak nâwna sin Pathien ngaisaknaw puma an thâwna po po kawnga le, Pathien ngaisaknaw misuolhaiin a chungthu khautaka an hril po po kawnga, thiemnaw inchangtir dingin,” tiin.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.