2 PETER 2:2 - Pathien Lekhabu Inthieng (BSI)

² Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

2 PETER 2:2 ပူးပေါင်းရင်းမြစ်များ

INṬANNA 19:5

chun, Lota chu an ko a, a kuomah, “Vawizâna i kuoma mi hung lûthai kha khawlai am an um a? Anni kan pâwl theina dingin kan kuomah hung ṭhuoi suok rawh,” an ti a.

INPÂKNA HLABU 18:21

Lalpa lampuihai chu ka hraw a, Ka Pathien kuoma inthawkin rilotakin ka fe hmang ngai si naw a.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si naw a.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 7:14

Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.

MARKA 12:14

Chun, anni chu an hung tlung chun a kuomah, “Inchûktirtu, mi indiktak i na, tukhawm pawisak chuong i nei nawh ti kan hriet a, tukhawm thlier bîk nei lovin, theipatâwpin Pathien thu în chûktir hlak a. Kaisar kuoma sie chawi hi a thieng am a ni a thieng naw? kan pêk ding am a ni, kan pêk naw ding?” an ta.

MARKA 13:22

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

THILTHAWHAI 14:2

Nisienlakhawm, ring nuom naw Judahaiin Jentailhai chu infuipawrin, unauhai chu an intheidatir a.

THILTHAWHAI 16:17

Ama chun Paula le keini a mi zui a, “Hienghai, sandamna lampui hriltu cheu hi, Achunghnungtak Pathien suokhai an ni hi,” tiin a khêk a.

THILTHAWHAI 18:26

Chun, inkhâwmna inah huoitakin thu a hril ṭan ta a. Chuongchun, Priskilla le Akuila chun a thu hril an hrietin; an inah an ṭhuoi a, a kuomah Pathien Lam thu fel nâwk zuolin an hrilfie ta a.

THILTHAWHAI 19:9

Nisienlakhawm, a ṭhen chu an kawmaw a, an awi nuom naw a, mipui hmaah Lam thu chu an hrilsiet phingleh, ama chun anni a fe san a, inchûktirhai chu a kei hran a, ni tin Turanna inchûktirnaah a sêl hlak a.

THILTHAWHAI 22:4

Hi Lama mihai hi sukhlum rau khawpin ka suknawmna hlak a, a nuhmei a pasalin ka khuop a, intângna inah kân khumtir hlak a.

THILTHAWHAI 24:14

Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwlneihai lekhabua ziek po po ringin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

1 TIMOTHE 5:14

Chuongchun, hmeithai la nunghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

TITA 2:5

lungril feltaka um ding dâm, inthiengtaka um ding dâm, mâni in sin thaw ding dâm, ngilneia um ding dâm le, mâni pasalhai thu thua um dinga ân thunun theina dingin infui rawh; Pathien thu chu hrilsieta a um nawna dingin.

TITA 2:8

i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

2 PETER 2:12

Nisienlakhawm, hieng thilhring, ngaituona nei naw, mana sukbohmang dinga sa chaua pienghai ang hin, thil an hriet nawhai chu hrilsein; anni sietnain se ngei an tih.

2 PETER 2:15

Bosar naupa Balaam, thil suksuol hlaw ngainatu lampui chu an hraw leiin lampui indik chu an mâksan a, an invâk hmang ta a.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

2 PETER 2:21

Lampui fel chu hriet hnunga, thupêk inthieng an kuoma inkawltira um chu nghatsan nêk chun, lampui fel hre naw hai sienla, an ta dingin a ṭha lem ding bah.

2 PETER 2:7

Lota mi fel, mi suolhai umdân hurtak leia lungngai bêk bêk chu a sandam ta a;

JUDA 1:10

Chuong mihai ruok chun thil an hriet naw taphawt an hrilsiet hlak a, chun, ngaituona neinaw sahai anga piengpui hrietna an neihai chun an insuksiet hlak.

JUDA 1:15

mi po po chunga rorêl ding le, Pathien ngaisak nawhai po po Pathien ngaisak nâwna sin Pathien ngaisaknaw puma an thâwna po po kawnga le, Pathien ngaisaknaw misuolhaiin a chungthu khautaka an hril po po kawnga, thiemnaw inchangtir dingin,” tiin.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

JUDA 1:7

Sodom le Gomorra, an kâwl vêla khuohai leh, chuong ang bawka inditnaa inpumpêkin, tisa danglam châka an hnawt ve ta leiin chatuona meia hremna tuora, inhriettirna dinga târ suoka an um ang khan.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.