2 PETER 2:18 - Pathien Lekhabu Inthieng (BSI)

¹⁸ Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

2 PETER 2:18 ပူးပေါင်းရင်းမြစ်များ

1 LALHAI 13:19

Chuongchun, a kuoma chun a kîr ve nâwk a, a ina chun bei dâm a fâkin tui dâm a dâwn ta a.

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

THILTHAWHAI 2:40

Chun, thu dang tamtakin a hrilfie a, “Tulai ruolthar rilohaia inthawk hin insukhim ro,” tiin ân fui a.

THILTHAWHAI 8:9

Chun, a hming Simon, mi pakhat a um a; ama chun, chu khuoa chun dawi hmangin Samari khuoa mihai maktitakin a lo siem ta hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:13

Sûna um angin mawitakin um ei tiu, zu dâwn buoi le zu inruia um lovin, hur le indit hmanga um lovin, insuol le inîtthîka um lovin,

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.

JAKOB 5:5

Khawvêla hin inhawitirtakin in um a, in insukthâm mei mei a; in that niin in lungril in suktlai a.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:2

Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

2 PETER 2:20

Lalpa le Sandamtu Isu Krista an hriet leia khawvêl inthieng nawnahai an tlân suok san hnungin chutaka bawk chun an intâng nâwk a, ngama an um nâwk si chun, an umze nuhnung chu a tîra nêk chun a hung se ta lem nîng a tih.

2 PETER 2:7

Lota mi fel, mi suolhai umdân hurtak leia lungngai bêk bêk chu a sandam ta a;

2 PETER 3:17

Chuongchun, dittakhai, nangnîn chuong thu chu in lo hriet lâwk leiin fîmkhur ro, chuong naw chun, mi suolhai indik nawnaa ṭhuoi hmanga umin, in det ṭhat lai tlu rawi in tih.

JUDA 1:13

tuisuoriet fâwn invawr, mâni muolphona inhuom suokhai an nih; arasi invâk invâk, chatuona inthim sa mup khêk pêkhai chu an nih.

THUPUONGSUO 13:11

Chun, Sahrâng dang hnuoia hung suok ka hmu a; berâmte kî ang ki pahni a nei a, dragon ṭawng angin a ṭawng a.