2 PETER 2:1 - Pathien Lekhabu Inthieng (BSI)

¹ Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârlova bohmangna intlungtir an tih.

2 PETER 2:1 ပူးပေါင်းရင်းမြစ်များ

1 LALHAI 22:6

Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw Lalpa: I mipui i închâwkhaiin an fe khêl chen chun.

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chungthua chun Israel Pathien, sipaihai Lalpa chun hieng hin a tih: Ngai ta u, anni chu Babulon lal Nebukadnezzar kuta chun pe suok ka ta, ama chun in mithmuah anni chu that a tih;

JEREMIA 37:19

I zâwlneihai, ‘Babulon lal chun hi ram amanih, nang amani khawm hung do naw ni,’ tituhai kha khaw lai am an um a?

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

HOSEA 9:8

Ephraim râl vêngtu chu ka Pathien kuoma um a na, Zâwlnei hlak chu a lampui intluonin chângkamtu châng kam a um a; A Pathien ina khawm intaina a um.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu Lalpain hieng ang hin a tih:

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MATTHAI 10:33

Nisienlakhawm, tukhawm mihai hmaa a mîn phat taphawt chu, ka Pa vâna mi hmaah inphat vêng ka tih.

MATTHAI 24:11

Zâwlnei tehlêm tamtak khawm hung suok an ta, mi tamtak hlêm an tih.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 24:5

Mi tamtakin, ‘Krista chu ka nih,’ tiin keia hming sâlin hung an ta, mi tamtak an hlêm ding a ni si a.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

MARKA 13:22

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

LUKA 12:9

Nisienlakhawm, mihai hmaa mîn phat chu Pathien vântirkohai hmaah inphat ni vêng a tih.

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

LUKA 6:26

“Mi po poin an inpâk pha cheu in chung la rik a tih; chuong ang bawkin an thlatuhaiin zâwlnei tehlêmhai chungah an thaw hlak kha.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

1 KORINTH 11:19

Nangni laia a taktakhai chu an inlang theina dingin nangni lai awi dân tum khawm a um ding hrim a nih.

1 KORINTH 6:20

mana inchâwk in ni tah in sawnnaw; chuleiin, in taksaa chun Pathien chawimawi ro.

1 KORINTH 7:23

Mana inchâwk in ni tah; mihriemhai suokah lût naw ro.

GALATI 2:4

unau tehlêm, inrûka an iṭhuoi lûthaiin tan luipêk ding tihai sien khawm; chuonghai chun suoka an mi sie theina dingin Krista Isua chun zalênna kan nei hi enthlit dingin arûkin an lût a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

GALATI 4:17

Ṭhat tiengah ni dêr si lovin, nasatakin an ngaisak hlak cheu a, anni in ngaisak theina dingin keinia inthawka ṭhethlâk cheu tum an ni tak.

GALATI 5:20

milim biekna dâm, dawithiemna dâm, theidâna dâm, inhalna dâm, thîkna dâm, lungsenna dâm, mani hmasielna dâm, insuktumna dâm, ring tumna dâm,

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

DÂN PAHNINA 32:6

Aw mi invêt le var nawhai, Chuong ang chun maw Lalpa chu in thung ding chu? Ama chu ân dintu che i pa, Siemtu che le inngîr dettu che ni lo am a nih?

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

KOLOSSA 2:8

Fimkhur ro, chuong naw chun, tûkhawmin Krista thu ang ni lovin, mihriem thurosie le khawvêl A AW B ang lemin an thu var le hlêmna mei meiin râl lâkin la rawi an ti cheu.

1 TIMOTHE 5:8

Nisienlakhawm, tûkhawmin mâni mihai ta ding a ngaituo lâwk naw a, mâni insûnga mihai ta ding hman a ngaituo lâwk naw chun, ringna chu ân phat san a, awi naw mi nêkin a suol lem a nih.

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

TITA 3:10

Ringdân tum nei mi chu vawikhat vawihni kâwk hnung chun inthlawppui ta naw rawh;

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

1 PETER 1:8

Ama chu hmu ngai naw khawmin in hmangai a, ama chu tuhin hmu naw unla khawm, in awi a, lâwm hril thei ruol lo le ropuitakin in hlim bêk bêk hlak;

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

1 JOHAN 2:26

Chuong nangni ṭhuoi hmang tumtuhai thu chu, in kuomah ka ziek a nih.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

JUDA 1:18

“Hun nuhnunga chun Pathien ngaisaknaw tieng anni châkna ang peia umin, nuisawtuhai la hung um an tih,” ti in kuoma an hrilziehai kha.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawtkhâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl lova hnuoia umhai chunga kan thisen insuona phuba chu la lova i um ding?” tiin an khêk a.