2 PETER 1:19 - Pathien Lekhabu Inthieng (BSI)

¹⁹ Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

2 PETER 1:19 ပူးပေါင်းရင်းမြစ်များ

INPÂKNA HLABU 119:105

I thu hi ka kehai ta dingin khâwnvar a na, Ka lampuia dingin var a nih.

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

ISAI 14:12

“Aw sikhawvar, zîngkâr naupa, iengtiziea vâna inthawka tla am i ni ta leh? hnam tin sukthlutu, iengtiziea hnuoia sât thlâka um am i ni ta leh?

ISAI 41:26

Ka hriet theina dingin tuin am a tira inthawk khan a hril hlak a? “Ama hi ân dik ie,” kan ti theina dingin tuin am a hrillâwk hlak a? Anih, a hril hrim hrim an um nawh, anih, inhriettir hrim hrim an um nawh, anih, in thuhrilhai hi a hrie hrim hrim an um nawh.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

JOHAN 5:35

Chu Johan chu khâwnvar chawktak le var tak a nih, a varah lân sukhlim in nuom kha.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

THILTHAWHAI 15:29

milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

HEBRAIHAI 2:2

Vântirkohai hmanga thu hril hman kha a lo det a, bâwsietna le thuâwi nawna tinrênghai chun thungna feltak a hmu pei si chun,

JAKOB 2:8

Nisienlakhawm, Pathien Lekha thu, “Nang în hmangai angin i vênghai i hmangai ding a nih,” ti lal dân hi in zâwm chun, in thaw ṭha;

1 PETER 1:10

Lunginsietna, nangni ta ding ngei lo hrillâwktu zâwlneihai chun, hi sandamna hi zawngin an lo sui ngun hlak a;

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

3 JOHAN 1:6

chuongchun, anni chun kohranhai hmaah i hmangaina an inhriettir ta a; an inzinnaah Pathien mi thaw âwm hrima i ṭhangpui chun ṭhâng a tih;

THUPUONGSUO 2:28

keiin ka Paa inthawka thuneina ka hmu ang bawk hin. Chun, Sikhawvar chu ama pêng ka tih.

THUPUONGSUO 22:16

“Kei Isu hin kohranhai ta dingin hieng thu hi in kuomah inhriettir dingin ka vântirko chu ka hung tir a nih. David bulpui le a thla arasi vartak, sikhawvar chu ka nih,” a ta.