2 PETER 1:18 - Pathien Lekhabu Inthieng (BSI)

¹⁸ Chun, tlâng inthienga kan um laiin chu râwl chu vâna inthawka hung suok keini ngeiin kan hriet a nih.

2 PETER 1:18 ပူးပေါင်းရင်းမြစ်များ

FESUOKNA 3:1

Mosie chun a tarpupa Jethro, Midian mihai thiempupa berâm ruol chu a enkawl a: chun, berâm ruol chu thlalêr tlâktieng pangah a ṭhuoi a, Pathien tlâng Horeba chun a hung a.

FESUOKNA 3:5

Ama chun, “Hitaka hi ka um,” a ti a. Pathien chun a kuomah, “Hi tieng hi hung hnai naw rawh: i kephaa inthawkin i kekawkhai kha hlîp rawh; i ngîrna hmun kha hnuoi inthieng a ni si a,” a ti a.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

MATTHAI 17:6

Inchûktirhai chun chu chu an hrietin bawkkhupin an tlu a, an ṭi ta bêk bêk a.

JOSUA 5:15

Chun Lalpa sipaihai hotu chun Josua kuomah, “I kephaa inthawkin i kekawk kha hlîp rawh, i ngîrna hmun kha ân thieng a nih,” a ta. Chuongchun, Josua chun chuong ang chun a thaw ta a.