7 Ka siehlaw zâwlneihai thisen le Lalpa siehlaw po pohai thisen phuba chu Jezebela inthawka ka lâk theina dingin i pu Ahab sûnghai chu sukbohmang vawng i tih.
Chun, Jezebelin Naboth chu lungin an dêng a, a thi tah ti a hrietin Jezebel chun Ahab kuoma chun, “Tho la, Jezreel mi Naboth grêp huon, ân châwktir phal naw che kha nei ta raw le, Naboth chu a dam ta naw a, a thi tah a nih,” a ta.
Ngai ta, i chunga hin thil ṭhanaw hung intlungtir ka ta, hung sukbohmang ka ti che a, Ahaba inthawk hin naupasal taphawt chu Israel rama mi khuokhira um amanih, khuokhir naw amani khawm chu sukbohmang ka ta,
Lalpa chun Ahab sûnghai chungchâng thu a hril a, Lalpa thu chu hnuoi chunga hin luong hmang el naw ni ti hre ro; Lalpain a siehlaw Elija hmanga a hril kha a hung suktlung a ni ta hi,” a ta.
Chuongchun, Jehu chu Jezreel khuoa Ahab sûnghai la um po po le, a mi lienhai po po le, a ruolhai po po le, a thiempuhai chu pakhat khawm hlapêk hlek lovin a that fai vawng a.
Chuongchun, Ahazia bohmangna chu Pathiena inthawk a na, Joram kuoma a hang fe lei tak chu a nih; chuonga a hung lai chun, Ahab sûngkuo chu sât thlatu dinga Lalpain hriek a lo nâl tah Nimsi naupa Jehu chu do dingin Joram le khan a hang fe ve si a.
Chuongchun, Abel mi feltak thisena inthawkin Pathien biekin le maichâm inkâra Baraki naupa Zakari in ithat a thisen chen khan, hnuoi chunga mi fel thisen an insuo po po chu nangni chungah la hung tlung thei a tih.
Dittakhai, in phuba la naw unla, Pathien lunginsenna inkien lem ro,“phuba hrim hrim keia lâk ding a nih, keiin thung ka tih, Lalpain a tih,” ti ziek a ni si a.
ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.
Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.
“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”
“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.
A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi sukkhawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”
Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.