2 LALHAI 9:6 - Pathien Lekhabu Inthieng (BSI)

⁶ Chun, a tho a, ina chun a lût a; chun, a lua chun hriek chu a buok a, a kuomah, “Lalpa, Israelhai Pathien chun hieng ang hin a tih, ‘Lalpa mipuihai, Israelhai chunga lal dingin hriek ka nâl che.

2 LALHAI 9:6 ပူးပေါင်းရင်းမြစ်များ

1 LALHAI 1:34

chun, chutaka chun thiempu Zadok le zâwlnei Nathanin ama chu Israelhai po po chunga lal dingin hriek zu nâl raw hai se, chun, in tawtawrâwthai mût in ta, ‘Pathienin lal Solomon hi humhim raw se,’ ti ro.

1 LALHAI 10:9

Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

1 LALHAI 14:7

Fe nâwk ta la, Jeroboam kuomah, ‘Lalpa Israelhai Pathienin hieng ang hin a tih, Mipuihaia inthawk hin ka dawmsâng che a, ka mi Israelhai chunga hin hotuah ka siem che a,

1 LALHAI 16:2

“Pilvuta inthawkin ka dawm sâng che a, ka mi Israelhai chunga hin hotuah ka siem che a, chun, nangin Jeroboam lampui hraw chu i hraw a, an suolnahaia an mi suklungsenna dingin ka mi Israelhai chu thil în suksuoltir a;

1 LALHAI 19:16

chun, Israel lal dingin Nimsi naupa Jehu chu hriek nâl bawk i tih; chun, nanga aiawa zâwlnei ni dingin Abelmehola khuoa mi Saphat naupa Elisa hriek nâl bawk i tih.

1 LALHAI 3:8

I siehlaw hi i mihai i thlanghai, mi tamtak, an tam leia tiem sêng ruollo le, a zât hriet sêng ruol lohai lai hin a um a na.

2 LALHAI 9:3

Chuongchun, hriek bâwm hi la la, a lua chun buok la, ‘Lalpain hieng ang hin a tih; Israelhai chunga lal dingin hriek ka nâl che, tiin,’ ti rawh. Chuongchun, kawt hawng la, tlân suok el rawh, um sâwt lovin,” a ta.

2 LALHAI 9:5

Chun, a va tlung chun, ngai ta, sipai hotuhai an lo ṭhung khâwm a; chun, ama chun, “Sipai hotu, i kuomah thu incha hril ding ka nei,” a ta. Chun, Jehu chun, “ tu tak kuoma hin am a ni a?” a ta. Chun, ama chun, “Nanga kuoma hin a nih, sipai hotu,” a ta.

2 CHANCHIN SUINA 22:7

Chuongchun, Ahazia bohmangna chu Pathiena inthawk a na, Joram kuoma a hang fe lei tak chu a nih; chuonga a hung lai chun, Ahab sûngkuo chu sât thlatu dinga Lalpain hriek a lo nâl tah Nimsi naupa Jehu chu do dingin Joram le khan a hang fe ve si a.

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 75:6

Suksângna chu saktienga inthawk a ni nawh, thlangtienga inthawk a ni bawk nawh. Simtienga inthawk hlak a ni bawk nawh.

ISAI 45:1

Lalpa chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawngpêk ding le, kul kawtkhârhai khâr lova inumtirtu ding, a kut changtienga ka ichel kuoma chun hieng ang hin a tih,

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 2:7

Lalpa chun a sukpase hlak a, a sukhausa bawk hlak, A suktlâwm hlak a, a chawisâng bawk hlak.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.