2 LALHAI 8:5 - Pathien Lekhabu Inthieng (BSI)

⁵ Chun, mi pakhat thi ta hnung a sukdam nâwk thu lal chu a lo hril lai tak chun, ngai ta, a naupa a sukdampêk nâwk nuhmei chun a in le lo chu lal a hung hni ve a. Chun, Gehazi chun, “Aw laltak ka pu, hi hi a ni hi nuhmei chu, chun, hi hi a ni a naupa Elisain a sukdampêk nâwk chu,” a ta.

2 LALHAI 8:5 ပူးပေါင်းရင်းမြစ်များ

1 LALHAI 20:1

Suria lal Benhadad chun sipaihai po po chu ân khâwm vawng a, lal sâwmthum le pahni an ṭhang a, sakawr le tawlailîrhai leh a hang fe a, Samari khuo chu a hang inhuol a, a hang thaw a.

2 LALHAI 4:12

Chun, a siehlaw Gehazi kuoma chun, “Hi Sunamnu hi hung ko ta,” a ta. Chun, a hang ko hnung chun, a hmaa chun a hung ngîr a.

2 LALHAI 4:35

Chun, a hung kîr a, in sûnga chun hnungtieng hmatieng hin vawikhat ân lawn a; chun, a hang fe a, a chunga chun a hang bawk nâwk a; chun, naupang chu vawi sari a hung insim a, chuongchun, a mit a hung meng ta a.

2 LALHAI 6:12

Chun, upahai laia mi pakhat chun, “Tukhawm kan ṭhang nawh ie, pu, aw laltak, Israel rama um zâwlnei Elisa hin i pindan sûngrila i hrilhai hi Israel lal a hril pei a ni lem a nih,” a ta.

2 LALHAI 6:26

Chun, Israel lal chu kul khotlânga a fe lai hin nuhmei pakhat hin, “Aw laltak ka pu, mi ṭhangpui rawh,” a lo ti a.

2 LALHAI 8:6

Chun, lal chun nuhmei chu a hang indawn chun a hril ta a. Chuongchun, lal chun hotu pakhat a ruotpêk a, “A ta po po, a loa thil suok po po chenin, hi ram a suoksana inthawka tu chena mi hi pe nâwk vawng ro,” a ta.

ESTHER 5:14

Chun, a nuhmei Zeres le a ruolhai po po chun a kuomah, “Khaihlumna tawng sâwmngaa insâng inphuntir la, chun a zinga chun, chutaka chun Mordekai chu khai hlum ni raw se, tiin lal chu hril la; chuongchun, lal le chun thlaithlêng awtnaa chun hlimtakin um el la a ni el annâwm,” an ti a. Chun, chu thil chun Haman chu a suklâwm ta a; chun, khaihlumna chu ân phuntir ta a.

INPÂKNA HLABU 145:1

Aw Laltak, ka Pathien, chawimawi ka ti che a, I hming hi kumkhawtluongin inpâk ka tih.

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu Lalpa chun a kâwkhmu hlak.

THUHRILTU 9:11

Ka thlîr nâwk a, nisa hnuoia chun intlânsiekna chu a hrâthai ta ding chau a ni naw a, indona chu a hrâthai ta ding chau a ni naw a, bei chu mi varhai ta ding chau a ni naw a, hausakna chu hrietthiemna nei mihai ta ding chau a ni naw a, ditsakna chu themthiemhai ta ding chau a ni nawh; amiruokchu, hun le remchâng chu an rênga kuomah a tlung seng a ni lem ti ka hmu a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

RUTH 2:3

Chuongchun, a fe ta a, busîktuhai lâk ṭhel chu a va zawng a: Elimelek pahnam, Boaz lo kherah a va fe fûk hlau el a.

1 SAMUEL 26:17

Chun, Saula chun David râwl chu a hei hriet a, “Chu i râwl a ni maw ka naupa David,?” a hei ti a. David chun, “Aw lalpa, ka pu, ka râwl a ni chu,” a ta.