2 LALHAI 8:1 - Pathien Lekhabu Inthieng (BSI)

¹ Chun, Elisa chun a naupa a sukdampêk nuhmei kuoma chun, “Tho la, nang le i sûnghai leh, in um theina hmun hmunah va um hri ro; Lalpain ṭâm ân tlâktir ding a nih; hi rama hin kum sari sûng zet a tla nghe nghe ding a nih,” tiin a lo hril ta a.

2 LALHAI 8:1 ပူးပေါင်းရင်းမြစ်များ

INṬANNA 12:10

Chun, chu rama chun ṭâm a hung tla a; chu rama chun ṭâm chu a nasa êm leiin Abram chu Aiguptaa um hri dingin a zu fe ta a.

INṬANNA 26:1

Chun, chu rama chun Abraham dam laia ṭâm tla hmasa lem ti lo khawm kha, ṭâm a hung tla nâwk a. Chuongchun, Isak chu Philistin mihai lai Abimelek kuomah, Gerarah a zu fe a.

INṬANNA 41:25

Chun, Josef chun Pharao kuomah, “Pharao mang hi thuhmun a nih: Pathienin a thilthaw ding Pharao ân hriettir a ni chu.

INṬANNA 41:32

Chun, Pharao mang ân nei nawntirna che chu hi lei hi a nih, thil thaw ding chu Pathienin a sukdet a, Pathien bawkin ân tlungtir vak ding leiin.

INṬANNA 41:54

Chun, ṭâm kum, kum sari chu Josef hril ang takin a hung tlung phut ve ta a: ram tinah ṭâm a hung tla ta a, Aigupta ram sûng poa ruok chun fâk ding a um a.

INṬANNA 47:4

Anni bawk chun Pharao kuomah, “Hi rama um phawt ding hin kan hung a nih: kan ramah i siehlawhai berâm ruolhai fâk ding a um ta si nawh, ṭâm hi Kanaan ramah a tla nasa hle si a; chuleiin, lunginsiettakin i siehlawhai hi Gosen ramah mîn umtir rawh,” an ti a.

2 SAMUEL 21:1

Chun, David damlai chun a kum bi sirin kum thum ṭâm a tla a; chun, David chun Lalpa chu a rawn a. Chun, Lalpa chun, “Thisen insuotu Saula le a sûnghai lei a nih; Gibeon mihai a that el si a,” a ta.

2 SAMUEL 24:13

Chuongchun, Gad chu David kuomah a fe a, a kuomah, “I rama hin kum sari ṭâm hung tlâk am, i hmêlma hmaa an hnawt sûng che a, thla thum lo tlân hmang hri am, i rama ni thum hri hung inlêng? a mi tirtu ieng angin am ka dawn ding a na, inngaituo la, mi hril raw khai,” a ta.

1 LALHAI 17:1

Tisbe khuo, Gilead rama Tisbe khuoa mi Elija chun Ahab kuoma chun, “Lalpa, a hmaa ka ngîrna hlak, Israelhai Pathien hringna sâlin ka hril a nih; kum ieng zât amani sûng chu ka thu naw chun ruo le dâidaw tla hrim hrim naw nih,” a ta.

1 LALHAI 18:2

Chun, Elija chu Ahab kuoma inlangtir ding chun a fe ta a. Samari rama chun ṭâm chu a nasa hle el a.

2 LALHAI 4:18

Chun, naupang chu a hung inṭhang lien a; ni khat chu a pa kuoma busîktuhai kuomah a fe ve a.

2 LALHAI 4:36

Chun, Gehazi chu a ko a, “Sunamnu kha hung ko rawh,” a ta. Ama chun nuhmei chu a hung ko a, a kuoma a hung lût chun, a kuomah, “I naupa kha pawm rawh,” a ta.

2 LALHAI 4:38

Chun, Elisa chu Gilgalah a fe nâwk a; chun, chu rama chun ṭâm nasatak a tla a; zâwlnei naupasalhai chu a hmaa chun an ṭhung a, a siehlaw kuoma chun, “Bel lientak inchuon la, zâwlnei naupasalhai ta dingin hmepawk suong rawh,” a ta.

2 LALHAI 7:20

chuong ang ngei chun a chungah a hung tlung ta a; mipuiin kul kawtkhâr bula chun an chîl nuoi nuoi a, an chîlhlum ta a.

2 LALHAI 8:2

Chuongchun, nuhmei chu a tho a, Pathien mi thu ang chun a thaw a, a sûnghai le chun Philistin mihai ramah kum sari an va um ta a.

INPÂKNA HLABU 105:16

Chu rama tla dingin ṭâm a ko a, Fâk ding hrim hrim ân um nawtir ta a.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

JEREMIA 25:29

Ngai ta, ka hming chawia khawpui inbûka uma chun thil ṭha naw ka thaw ṭan ta si a, hrem dêr lovin in um ding maw? Hrem lo ni naw ti niu; hnuoi hluotuhai po po chunga chun kâwlhnâm kân lêngtir ding a ni si a, sipaihai Lalpa chun a tih.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

AMOS 4:6

“Chun, kei khawma in khawpui po pohaia ha faina le in hmun po pohaia tlâksamna ka pêk cheu a, chuong sa khawm chun ka kuomah in hung kîr naw a,” Lalpa chun a tih.

HAGGAI 1:11

Hnuoi chunga dâm, tlânghai chunga dâm, buvui chunga dâm, uoin chunga dâm, hriek chunga dâm, leihnuoiin a hung insuotir taphawt le, mihriemhai chunga le, bâwng ruol chunga le, kut sininrim ra suok po po chunga chun khuo ka sukṭhâl a nih”, tiin.

LUKA 21:11

simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

LUKA 4:25

Chuongchun, indiktakin ka hril cheu, Elija dam laia kum thum le thla ruk vân a ping a, khawvêla ṭâm nasatak a hung tla khan, Israel ramah hmeithai tamtak an um a;

THILTHAWHAI 11:28

Chun, anni laia mi pakhat, a hming Agaba, a ngîr a, khawvêl po poah ṭâm nasatak a tlung ding a ni ti Thlalrau hrilin ân hriettir a; chu ṭâm chu Klaudi inlal laiin a hung tlung ta a.

RUTH 1:1

Rorêltuhaiin ro an rêl laiin chu rama chun ṭâm a hung tla a, chun, Juda ram Bethlehema mi pakhat Moab rama um dingin, ama le a nuhmei le a naupasalhai pahni chu an fe a.