2 LALHAI 7:8 - Pathien Lekhabu Inthieng (BSI)

⁸ Chun, chuong inphârhai chun riekhmun tawntir an va tlung chun puon in pakhata hin an va lût a, an fâkin an dâwn a, chutaka tangkaruo dâm, silfênhai chu an lâk a, an va thuphmang a; chun, an va kîr nâwk a, puon in dangah an lût nâwk a, chutaka mi khawm chu an lâk a, an va thuphmang nâwk a.

2 LALHAI 7:8 ပူးပေါင်းရင်းမြစ်များ

2 LALHAI 5:24

Chun, tlâng a va tlung chun a lâkpêk a, in sûnga hin a sie a; chun, chuonghai chu ân fetir a, an fe ta a.

2 LALHAI 7:9

A nakie chun, “Ei sukdik naw tawp el a, vawisûn hi chanchin lâwmum intlun ni a nih, eini hi ei to zing el a; khawvar ei nghâk chun hrem tuok el ei tih, chuongchun, thaw ta u, lal sûnghai va hril ei tiu,” tiin an inbiek a.

ISAI 33:23

I hruihai chu sukfuolin a um a; an puon zâr bul chu an sukdet thei naw a, puon zâr chu an zâr thei naw a; chu lai tak chun râllâk sum tamtak chu semin a um a; kebaihai khawmin râllâk sum an lâk ta a.

JEREMIA 41:8

Chun, anni laia chun mi sâwm Ismael kuoma, “Keini chu mi that naw rawh; rama chun bu dâm, buṭei dâm, hriek dâm, khuoizu dâm thuphmangna khur chu kan nei si a,” tituhai chu an um a. Chuongchun, anni chu a hla ta a, an unauhai laia chun a that ve ta naw a.

MATTHAI 13:44

“Vân ram chu loa ro phûmrûk ang a nih; chu chu miin a hmu a, a thup hmang a, a lâwm leiin a fe a, a nei po po chu a va zawr a, chu lo chu ân châwk ta a.

MATTHAI 25:18

Talent khat dawngtu ruok chu a va fe a, hnuoi a cho a, a pu tangka chu a thup hmang ta lem a.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.