Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 LALHAI 7:6 - Pathien Lekhabu Inthieng (BSI)

6 Lalpain Suria sipaihai chu tawlailîr ri dâm, sakawr ri dâm, sipai tamtak ri dâm ân hriettir a nih, chuongchun, “Ngai ta u, Israel lal hin, Hit lalhai, Aigupta lalhai hi eini mi thaw ding hin a hung ruoi a ni hi,” tiin an inbiek a.

အခန်းကိုကြည့်ပါ။ ကော်ပီ




2 LALHAI 7:6
21 ပူးပေါင်းရင်းမြစ်များ  

Chun, Ammon mihai chun David theida zâwng an lo ni tah ti an hung inhriet chun Beth-rehoba mi Suria mihai le Zobaa mi Suria mihai, sipai sîng hni le, lal Maaka mi sîng khat leh, Topa mihai sîng khat le sâng hni leh an incha a, an ruoi a.


Chun, thingtheihmi kûng lêra fe ri ṭhup ṭhup ang i hriet pha chun châng rawh, Philistin sipaihai thaw dingin i hmaah Lalpa a suok tah tina nîng a tih,” a ta.


Aigupta rama inthawka tawlailîr chu tangkaruo shekel za ruk peiin an suktlung hlak a, chun, sakawr chu tangkaruo shekel za le sâwmnga peiin; chuong ang bawk chun Hit mihai lalhai po po le Suria lalhai khawm an suktlung pêk hlak a nih.


Chun, an va bitum senghai chu an va that a, chuongchun, Suria mihai chu an tlânse ta a, Israelhai chun an hnawt a, chun, Suria lal Benhadad chu sakawr chunga chuongin sakawr chung chuong mihai leh an tlânsuok ta a.


Ngai ta, a sûnga chun thlarau inumtir ka ta, thuthang hrieng a ta, ama ramah fe nâwk a tih; chuongchun, ama ram ngeia chun kâwlhnâma sukthlûkin inumtir ka tih, a tih,’ tiin,” a ta.


Chuongchun, Suria mihai riekhmuna fe ding chun thimbut hin an inthawk suok ta a; chun, Suria mihai riekhmun tawntir an va tlung chun, ngai ta, tukhawm an lo um naw a.


Inlâuna rihai chu a naa chun a châm a; A tluongtlung laiin suksetu chu a chungah hung tlung a tih.


Chutaka chun ṭi bêk bêkin an um a, Pathien chu mi fel thlahai lai chun a um hlak leiin.


Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!


Iengtin am tawlailîrhai le sakawr chung chuong mihai tieng thuah Aigupta chunga i ringna innghatin, ka pu siehlaw chîn takhai laia hotu pakhat khawm hi i dang zo ding am a nih?


A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlânhmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.


Chun, an lâwn pha chun, an thla ri chu: tui nasatak ri ang elin, Iengkimthawthei râwl ri ang elin, sipai ruol ri ang, buoi mur mur ri ang ka hriet a. An ngîr pha chun, an thlahai chu an sie thlâk a.


Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.


Thîr âwmphaw ang hi âwmphaw an nei a; an thla zâp ri chu indona tawlailîr ri, sakawr tamtak indo dinga tlân dur dur ri ang a nih.


Kul vêla chun mi tin mâni umhmun senga chun an ngîr a. Chuongchun, sipaihai po po chu an tlân ta a, chun, an khêk rak rak a, an intlânsiettir ta a.


Chun, riekhmuna mihai, phûla mi dâm, mipuihai po po chu an inthin a; chun, râl vêngtu sipaihai le râlrûkhai khawm chu an inthin ve a, chun, simkhawleihnuoi ân hning a, nasataka inthinna a um a.


Chuongchun, David chun Hit mi Ahimelek le Joab unau Zeruia naupa Abisai kuomah, “Saula ṭhanghmuna chun kei leh tu am fêng a ta?” a ta. Abisai chun, “Keima hi i kuoma chun zu fe vêng ka tih,” a ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ