2 LALHAI 7:5 - Pathien Lekhabu Inthieng (BSI)

⁵ Chuongchun, Suria mihai riekhmuna fe ding chun thimbut hin an inthawk suok ta a; chun, Suria mihai riekhmun tawntir an va tlung chun, ngai ta, tukhawm an lo um naw a.

2 LALHAI 7:5 ပူးပေါင်းရင်းမြစ်များ

2 LALHAI 7:4

‘Khaw sûnga hin lût ei tiu khai,’ ti ding ni inla, khaw sûng an ṭâm a, ei va thi el âwm si a; chun, hitaka hin ṭhung zing inla, ei thi tho tho bawk âwm si a. Chuleiin, thaw ta u, Suria sipaihai tieng hin tlu lût rawk el ei tiu, an mi hla leh ei hring nîng a ta, an mi that le hlak ei thi nîng a ta,” tiin an inbiek a.

2 LALHAI 7:6

Lalpain Suria sipaihai chu tawlailîr ri dâm, sakawr ri dâm, sipai tamtak ri dâm ân hriettir a nih, chuongchun, “Ngai ta u, Israel lal hin, Hit lalhai, Aigupta lalhai hi eini mi thaw ding hin a hung ruoi a ni hi,” tiin an inbiek a.

EZEKIEL 12:12

Anni laia lal um chun inthim hnuoia chun a liengkoin phur a ta, fe suok a tih; chutaka phursuokna ding chun bang chu ver âwng an tih; a mithaia hnuoi a hmu nawna dingin a hmai chu inkhum tlat a tih.

LEVI DÂN 27:26

“Amiruokchu, ran laia pieng hmasatak, a pieng hmasatak leia Lalpa chanpuol dinga ruot taphawt chu, tukhawma an inhlân ding a ni nawh; bâwngchal khawm, berâm khawm ni sienla, Lalpa chanpuol a nih.

LEVI DÂN 27:8

Amiruokchu, i ruot nêka a lo pase chun, thiempu kuoma ṭhuoi ding nîng a tih, thiempu chun lo ruot a tih; thutiemtu thei ang tâwk tâwk thiempu chun lo ruot a tih.

DÂN PAHNINA 28:7

In hmêlma nangni thawtuhai cheu chu Lalpain suktlâwmpêk a ti cheu a, a thaw ding cheuin lampui pakhatah hung lût an ta, lampui pasariah tlânsieng an tih.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?

1 SAMUEL 30:17

Chuongchun, David chun nisa tlâka inthawkin a zînga zântieng chenin a thaw ta a, tlangvâl za li, sanghâwngsei chunga chuonga tlânsehai ti chau naw chu tukhawm dama suok hrim hrim an um nawh.