2 LALHAI 7:4 - Pathien Lekhabu Inthieng (BSI)

⁴ ‘Khaw sûnga hin lût ei tiu khai,’ ti ding ni inla, khaw sûng an ṭâm a, ei va thi el âwm si a; chun, hitaka hin ṭhung zing inla, ei thi tho tho bawk âwm si a. Chuleiin, thaw ta u, Suria sipaihai tieng hin tlu lût rawk el ei tiu, an mi hla leh ei hring nîng a ta, an mi that le hlak ei thi nîng a ta,” tiin an inbiek a.

2 LALHAI 7:4 ပူးပေါင်းရင်းမြစ်များ

2 SAMUEL 14:14

Ei thi ngei ngei ding a na; chun, tuisik hnuoia inbaw tahnung rût nâwk thei ta lo ang hi ei na. Pathienin hringna hi a lâk hmang a ni naw a, a tlân hmang chu amaa inthawka mi hran a ni nawna dingin rem a ruot a ni lem a nih.

2 LALHAI 6:24

Chu hnunga chun Suria lal Benhadad chun a sipai po po a ko khâwm vawng a, Samari khuo a hang inhuol a.

2 LALHAI 7:5

Chuongchun, Suria mihai riekhmuna fe ding chun thimbut hin an inthawk suok ta a; chun, Suria mihai riekhmun tawntir an va tlung chun, ngai ta, tukhawm an lo um naw a.

1 CHANCHIN SUINA 12:19

Saula do dinga Philistin mihai le an hung lai khan, Manasse mi ṭhenkhat chu David tienga chun an pakai a; nisienlakhawm, anni chun an lo ṭhangpui naw a; Philistin mi hotuhai chun, remruotin ama chu an tir hmang a, “A hotupa Saula kuoma hin pakai a ta, ei lu inhmang rawi ei tih,” an ti si a.

ESTHER 4:16

“Fe la, Susaa Juda mi umhai po po chu kei khâwm rawh; chun, ka ta dingin bu nghei unla; sûn le zânah, ni thum sûng chu fain dâwn hlek naw ro, ka nunghâkhai le kei khawma chuong ang bawk chun nghei kan ta; chuongchun, dân lo ang ni sien khawm lal kuoma chun lût el ka ta; ka bohmang leh ka bohmang ni el raw se,” tiin.

JEREMIA 14:18

Ramhnuoiah ka va fe leh, kâwlhnâma thihai hmu a ni a! khawpui sûng ka lût leh, ṭâmnaa na tuorhai hmu a ni a! zâwlneihai le thiempuhai chu ram sûnga chun an invâk vêl a, hrietna nei si lovin,” tiin.

JEREMIA 8:14

Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; Lalpa chunga chun thil ei lo suksuol ta leiin, Lalpa ei Pathien chun bohmangnaa um dingin a mi sie ta a, tûr pawl tui chu dâwn dingin a mi pêk ta a.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;