2 LALHAI 7:2 - Pathien Lekhabu Inthieng (BSI)

² Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

2 LALHAI 7:2 ပူးပေါင်းရင်းမြစ်များ

INṬANNA 7:11

Noa chu kum za ruk a ni kum, a thla hnina ni sâwm le ni sari niah, chu ni ngei chun tui inthûk lientak hnâr po po chu a hung pût ta vawng a, vân tukverhai khawm a hung inhawng ta bawk a.

2 LALHAI 5:18

Hi thila hin i siehlaw chu Lalpain ngaidam raw se, ka pu hi ka kut ringsan a, chibai bûk dinga Rimmon ina a lût a, Rimmon ina ka kûn chun, Rimmon ina ka kûn vena thua chun, Lalpain i siehlaw hi ngaidam raw se,” a ta.

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang fe a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; Lalpa in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

INPÂKNA HLABU 78:41

An ngha kîr nâwkin Pathien an fie a, Israelhai mi inthieng chu an suknuor hlak.

ISAI 7:9

chun, Ephraim lu chu Samari a na, Samari lu chu Remalia naupa ringawt el hi a ni si a. In ring det naw chun sukdetin um ṭhuoi naw ti niu, tiin,’ ti rawh,” a ta.

JEREMIA 29:32

Lalpa chun hieng hin a tih: Ngai ta u, Nehelam mi Semaia le a thlahai chu hrem ka ta; hi hnam laia chêng ding hi mi nei naw ni a, ka mihai laia thil ṭha ka thaw khawm chu hmu bawk naw ni, Lalpa chun a tih: Lalpa chunga helna thu a lo hril ta leiin,” tiin.

MALAKI 3:10

Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

NAMBAR 11:13

Hieng mipui po po pêk ding hi khâwlaia sa am nei ka ta? ‘Kan fâk dingin sâ mi pe rawh,’ tia ṭapin an mi thaw si a.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:3

Anni laia ṭhenkhathai ringum nawhai sien khawm ieng am a ni chuong leh? An ringumnawna chun Pathien ringumzie chu ieng khawm ni lovin a siem chuong am a nih?

DÂN PAHNINA 3:27

Pisga tlâng sîpah hang chuong la, thlangtienga dâm, hmârtienga dâm, simtienga dâm i mit hang inlên la, hang thlîr rawh; Jordan hi i kân naw ding a ni si a.

2 TIMOTHE 2:13

Eini ringum lovin um inla khawm, Ama chu ringumin a um zing a nih; Ama le ama ân phat thei si naw a,” ti hi.