2 LALHAI 7:1 - Pathien Lekhabu Inthieng (BSI)

¹ Elisa chun, “Lalpa thu hi lo hre ta u, Lalpa chun, hieng ang hin a tih, ‘Zingah hieng tik phât vêla hin Samari kul kawtkhâr bula chun beiphit indi mi tekhâwng khat chu shekel khatah zawr an ta, buṭei tekhâwng hni chu shekel khatah,’ tiin,” a ta.

2 LALHAI 7:1 ပူးပေါင်းရင်းမြစ်များ

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

2 LALHAI 20:16

Chun, Isaiin Hezekia kuoma chun, “Lalpa thu hi lo ngai raw khai,

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

2 LALHAI 6:25

Chun, Samari khuoa chun ṭâm a nasa êm el a; ngai ta, an inhuol tlat a, sabengtung lu hi tangka sâwmrietin an zawr a; chun, vaṭhu êk hi kab hmun lia ṭhea hmun khat tangka pangaah an zawr hiel bawk a.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

2 LALHAI 7:16

Chun, mipuihai chu an va suok a, Suria mihai riekhmun chu an va dap ta rak a. Chuongchun, Lalpa thu ang ngeiin beiphit indi mi tekhâwng khat chu shekel khatah an zawr a, buṭei tekhâwng hni chu shekel khatah.

INPÂKNA HLABU 46:5

Pathien chu a lai takah a um a, inhnîng naw ni a, Pathienin khawfingchat pha chun ṭhangpui a tih.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, Lalpa sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni si a.

FESUOKNA 16:12

“Israel mihai chiernahai chu ka hriet a, an kuomah, ‘Zântieng chun sa fâng in ta, zîngtieng chun beia sukkhawp nîng in tih, chun Lalpa in Pathien chu ka nih ti hrieng in tih ‘ ti rawh,” tiin.

FESUOKNA 8:23

Chuong ang chun i mihai le ka mihai inkârah thlierhranna nei ka tih; chu inchikna chu zîngah hung tlung a tih,’ ti rawh,” a ti a.

ISAI 1:10

Sodom rorêltuhai, Lalpa thu hi hre unla, Gomorra mihai, ei Pathien dân thua hin na sit ro!

EZEKIEL 37:4

Chun, ka kuoma chun, “Hieng ruhai chunga hin thu hril la, an kuoma chun, ‘Aw nangni ru ṭâwlhai, Lalpa thu chu lo ngai ta u,’ ti rawh.

JOHAN 6:9

“Buṭei beiphêk panga le nga pahni nei pasaltê pakhat hitaka hin a um; nisienlakhawm, mi hieng zozai lai hin chu chu ieng khawp am nîng a ta?” a ta.

JOSUA 3:5

Chun, Josua chun mipuihai kuomah, “Insukthieng ro, zinga hin Lalpain nangni lai thil maktakhai a thaw ding a nih,” a ta.

THUPUONGSUO 6:6

Chun, thilhring palihai laia inthawk chun râwl âwmtak hin, “Duliin bupui tekhâwng khat, duliin buṭei tekhâwng thum, hriek le uoiin ruok chu sukse naw,” a ti ka hriet a.

1 SAMUEL 11:9

Chun, an mi hung tirhai kuoma chun, “Jabes-Gilead mihai kuoma chun, ‘Zîngah nisa lum vânglai tak hmain sansuok nîng in tih,’ va ti ro,” an ta. Chun, an mi tirhai chu an va fe a, Jabes mihai chu an va hril a: chuongchun, an lâwm ta êm êm a.

1 SAMUEL 15:1

Chun, Samuel chun Saula kuomah, “Lalpain a mihai chungah, Israelhai chunga lal dinga hriek nâl ding chein a mi tir a nih; chuongchun, Lalpa thuhril râwl chu ngai ta khai, Sipaihai Lalpa chun.