2 LALHAI 5:7 - Pathien Lekhabu Inthieng (BSI)

⁷ Chun, Israel lal chun lekhathawn chu a tiem phingleh, a puonhai a keithlêr a, “Hi mipa hin mi ân phârna sukdam dinga ka kuoma a hung tir hi sukdam ding le sukhlum dingin Pathien am ka nih? amiruokchu, ngaituo ta u, ka ngên cheu hi, keia chunga insêlna a zawngzie hi en ta u,” a ta.

2 LALHAI 5:7 ပူးပေါင်းရင်းမြစ်များ

INṬANNA 30:2

Rakil chunga chun Jakob chu a lunginsen thut el a; chuongchun, “I rîla ra phalnawtu Pathiena i mi ngai am ka nih?” a ti a.

INṬANNA 37:29

Reuben chu khura chun a hung kîra Josef chu khurah a lo um ta nawh ti a hmu chun a silfênhai a keithlêr a,

INṬANNA 50:19

Josef chun an kuomah, “Ṭi naw ro, Pathien aiaw am ka nih?

2 SAMUEL 1:11

Chuongchun, David chun ama silfênhai chu a chel a, a keithlêr ta a, chuong ang bawk chun a kuoma mi um po pohai chun an thaw ve a;

1 LALHAI 20:7

Chuongchun, Israel lal chun a rama upahai po po chu a ko a, “Lo hre ta u khai, hi mipa hin thil ṭha nawtak thaw a tumzie hi; ka kuomah mi a hung tir a, ka nuhmeihai, ka nauhai, ka tangka dâm, ka rângkachak dâm a hung ngên a, ka lo sêl hlak khawm ni si lovin,” a ta.

2 LALHAI 11:14

chun, a hang en a, ngai ta, lal chu dân angin ban hrûla hin a lo ngîr a, sipai hotuhai le tawtawrâwt mûttuhai chu lal kâwlah an ngîr a; chun, chu rama mi po po chu an hlim êm êm a, tawtawrâwt dâm an mût an mût a. Chuongchun, Athalia chun a puonhai a keithlêr a, “Phier rûkna! Phier rûkna a ni tah ie,” tiin a khêk a.

2 LALHAI 18:37

Chuongchun, lal insûng tieng hotu Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu an silfên keithlêrhai inbelin Hezekia kuoma chun an fe a, Rabsake thuhrilhai chu an hril a.

2 LALHAI 5:6

Chun, lekhathawn chu Israel lal kuoma chun a hung chawi a, “Hi lekhathawn hi lo hmu ngei i ta, ngai ta, ka siehlaw Naaman ân phârna, sukdam dingin i kuomah ka hung tir a nih,” tiin a hril a.

JEREMIA 36:24

Anni chu an ṭi naw a, an silfênhai khawm an keithlêr bawk naw a, hieng thuhai hretu lal le a siehlawhai hrim hrim khawm chun.

DANIEL 2:11

Lal thil dit dân hi thil vâng tak a nih; taksaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

NAMBAR 14:6

Chun, Nun naupa Josua le Jephunne naupa Kaleb, ram enthlatuhai laia ṭhang vehai chun an puonhai an keithlêr a;

MATTHAI 26:65

Chun, Thiempu Laltak chun a silfênhai a keithlêr a, “Pathien a hrilsiet tah; hretu dang iengdingin am ngai tâng ei ta? Ngai ta u, Pathien a hrilsietzie chu tuhin in hriet tah. Iengtin am in ngai a?” a ta.

LUKA 11:54

a ṭawng suol hlaua man tumin an inchân zing a.

THILTHAWHAI 14:14

Nisienlakhawm, tirko Barnaba le Paula chun, chu chu an hriet phingleh, an puon an keithlêr a, mipui lai chun an inchâwm lût a, an khêk a.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

1 SAMUEL 2:6

Lalpa chun a sukhlum hlak a, a sukhring bawk hlak, Thlânah ân fe thlâktir hlak a, a ṭhuoi suok bawk hlak.