2 LALHAI 4:8 - Pathien Lekhabu Inthieng (BSI)

⁸ Chun, ni khat chu hieng hi a hung na, Elisa chu Sunem khuoah ân zin a, chu khuoa chun nuhmei neinungtak hi a um a, ama chun Elisa chu bu fa dingin a lo ko ṭâl hlak a. Chun, chutaka a fe po le chun, chutaka chun bu fa dingin a lût hlak a.

2 LALHAI 4:8 ပူးပေါင်းရင်းမြစ်များ

INṬANNA 19:3

Nisienlakhawm, ama chun a thlêm a thlêm a; chuongchun, ama chu an zui a, a ina chun an lût a: chun, ama chun hme a siempêk a, chawl ṭhanglo bei a zeu a, an fâk ta a.

2 SAMUEL 19:32

Barzillai chu upatak a na, kum sâwmriet mi zet a nih; Mahanaima lal um sûng khan fâk ding dâm a lo tumpêk a, mi neinungtak a nih.

1 LALHAI 1:3

Chuongchun, Israel ram sûng po poa chun nunghâk hmêlṭha an zawng ta a; Sunam mi Abisag chu an va hmu a, lal kuoma chun an hung ṭhuoi ta a.

2 LALHAI 4:18

Chun, naupang chu a hung inṭhang lien a; ni khat chu a pa kuoma busîktuhai kuomah a fe ve a.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

JOB LEKHABU (THE BOOK OF JOB) 32:9

Mi ropuihai chu an var chuong kher naw a, Mi upahai chun thudik chu an hrietthiem vawng kher bîk nawh.

THUVARHAI 7:21

Amanu thu hril ṭha chun ama chu ân pêktir ta a; A hmûrhai zaihlêmna chun ama chu a tirlui ta a.

MATTHAI 25:17

Chuong ang bawkin talent hni dawngtu khawm chun talent hni dang a sukdawk ta a.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

LUKA 14:23

Chun, a puin suok kuoma chun, ‘Suok la, lamlienahai, khawhnâwmahai fe la, ka in sipna dingin mî hung thlêm lût hrâm rawh.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.

THILTHAWHAI 16:15

Chun, ama le a sûnghaiin baptisma an chang zo chun, “Lalpa ring tak zeta in mi ruot chun, ka inah hung tlung ro,” tiin a mi ngên a mi ngên a, a mi chel ta a.

JOSUA 19:18

an ramri chin chu Jezreel, Kesulloth le Sunem,

RORELTUHAI 19:20

Chun, tarpa chun, “Thlamuongtakin um raw khai, i mamaw po po chu keiin tum vawng ka tih, khawlaia chun chu riek lul naw rawh,” a ti a.

1 SAMUEL 28:4

Chun, Philistin mihai chu an pungkhâwm a, Sunema chun ṭhanghmun an va khuor a; chun, Saula chun Israel mi po po a ko khâwm a, Gilboaah ṭhanghmun an khuor ve a.