2 LALHAI 4:2 - Pathien Lekhabu Inthieng (BSI)

² Elisa chun a kuomah, “I ta dingin ieng am thawpêk ka ti che a? Mi hril rawh, i inah ieng am i nei a?” a ta. Chun, amanu chun, “I siehlawnu hin inah hriek bûr khat ti chau naw chu iengkhawm ka nei dêr nawh,” a ta.

2 LALHAI 4:2 ပူးပေါင်းရင်းမြစ်များ

1 LALHAI 17:12

Ama chun, Lalpa i Pathien hringna sâlin ka hril a nih, bei chu chu ka nei naw a, bêla beiphit veikhat bak le, bûrah sahriek tlâwmte chau ka nei a; chun, ngai ta, ka fe a, kei le ka naupa ta dinga siemna dingin thingrieu pahni amani chau kân khâwm a na; chuongchun, chu chu fâng kan ta, kan thi el ding a nih,a ta.

2 LALHAI 2:9

Chun, an kai hnung chun Elija chun Elisa kuomah, “I kuoma inthawka lâk hmang ka ni hma hin, i ta dingin ieng am thawpêk ka ti che a, mi hni rawh?” a ta. Chun, Elisa chun, “I thlarau chan lehni hi ka chungah um raw se, ka ngên che hi,” a ta.

2 LALHAI 4:3

Chun, Ama chun, “Fe la, i tuolbâwmhai bêl po po, bêl ruokhai chu, haw khâwm ṭeu rawh; tlâwmte chu haw naw rawh.

FESUOKNA 4:2

Lalpa chun a kuomah, “Kha i kuta kha ieng am a na?” a ti a. Ama chun “Hmawl,” a ti a.

MATTHAI 15:34

Chun, an kuomah, “Beiphêk iengzât am in nei a?” a ta. Anni chun, “Phêk sari, ngatê tlâwmte leh,” an ta.

THILTHAWHAI 3:6

Nisienlakhawm, Peterin, “Tangka le rângkachak iengkhawm ka nei nawh; nisienlakhawm, ka nei sun pêng ka ti che; Nazareth Isu Krista hmingin kein lâwn ta rawh,” a ta.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?