2 LALHAI 3:3 - Pathien Lekhabu Inthieng (BSI)

³ Nisienlakhawm, Nebat naupa Jeroboam suolnaa Israel mihai ân suksuoltirnaa khan ân tûl tlat a, chutaka inthawk chun ân sie hmang ngai hrim hrim naw a.

2 LALHAI 3:3 ပူးပေါင်းရင်းမြစ်များ

1 LALHAI 13:33

Chuong thil hnunga khawm chun Jeroboam chun a umdân indiknaw chu a la bân chuong naw a, vântlâng laia mihai bâwlhmun thiempu dingin a la siem ta rawp a; bâwlhmun thiempuhai an um theina dingin a nuom taphawthai chu a la suktum ta rawp a.

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 14:9

nang ruok chun chu i hmaa mihai po po nêkin thil i suksuol nasa bîk a, mi suklunginsenna dingin pathien danghai le milim sunghai i siem a, hnung i mîn nghatsan ta a,

1 LALHAI 15:26

Lalpa mithmuin thil ṭha nawtak a thaw hlak a; a pa lampui hraw chu a hraw ve a, Israelhai thil insuksuoltira a suksuolna kha a thaw ve a.

1 LALHAI 15:34

Lalpa mithmuin thil ṭhanawtak a thaw hlak a, Jeroboam lampui hraw chu a hraw ve a, Israelhai thil insuksuoltirnaa a suksuolna kha a thaw ve a.

1 LALHAI 16:31

Chun, Nebat naupa Jeroboam suolna ang thaw ve dâm chu ienga khawm ngailo ni âwmtakin, Zidon mihai lal Ethbaal naunu Jezebel nuhmeiah a nei a; Baal rawng dâm bâwlsanin a biek ve ta el a.

2 LALHAI 13:11

Chun, Lalpa mithmuah thil ṭha nawtak a thaw hlak a; Israel hai thil insuksuoltira a thaw Nebat naupa Jeroboam suolnahai po po kha a mâksan bîk naw a, a la chîng zing ta lem a.

2 LALHAI 13:2

Lalpa mithmuah thil ṭha nawtak a thaw hlak a, Israelhai thil insuksuoltira a thaw Nebat naupa Jeroboam suolnahai kha a chîng ve a, a mâksan nâwk ta hrim hrim naw a.

2 LALHAI 13:6

Amiruokchu, Israelhai thil insuksuoltira a thaw Jeroboam sûnghai suolna kha an mâksan naw a; an la chîng ta zing lem a; chun, Samari khuoa chun Asera khawm chu a la um zing nghe nghe a.

2 LALHAI 14:24

Chun, Lalpa mithmuah thil ṭha nawtak a thaw hlak a, Israelhai thil insuksuoltira a thaw Nebat naupa Jeroboam suolnahai po po kha mâksan hrim hrim a nei naw a.

2 LALHAI 15:18

Chun, Lalpa mithmuah thil ṭha nawtak a thaw hlak a; Israelhai thil insuksuoltira a thaw Nebat naupa Jeroboam suolnahai kha a dam sûngin a mâksan nawh.

2 LALHAI 15:9

Chun, a puhai thaw ang bawk, Lalpa mithmuah thil ṭha nawtak a thaw hlak a; Israelhai thil insuksuoltira a thaw Nebat naupa Jeroboam suolnahai kha a mâksan nawh.

2 LALHAI 17:21

Israelhai chu David sûnghai an nina chu a peipêk ta a, chuongchun, Nebat naupa Jeroboam kha lal dingin an siem a, chun, Jeroboam chun Israelhaiin Lalpa an zui chu a lo kuoipêt a, thil suol nasatak ân thawtir a.

2 LALHAI 17:22

Chun, Israel thlahai chun Jeroboam thil suksuolna ang po po chu an thaw ve a, an mâksan ngai hrim hrim naw a,

2 LALHAI 17:23

chuonghai chu Lalpain a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi ta a, tu chen hin chutaka chun an la um ta zing a nih.

2 LALHAI 21:16

Lalpa mithmua thil ṭha nawtak thawa Judahai thil ân suksuoltir a suolna tiem lovin, Manasse chun pawi tâwklo thisen nasatakin ân suo bawk a, Jerusalem dung le khang chu a sip a.

2 LALHAI 23:15

Chu naw khawm chu Israelhai thil insuksuoltirtu Nebat naupa Jeroboamin Bethela maichâm le bâwlhmun a siem chu, chu maichâm le bâwlhmun chen khawm chun a sukchim bawk a; chuongchun, bâwlhmun chu a raw a, a sir nâwi dap a, Asera chu a raw ta a.