2 LALHAI 23:3 - Pathien Lekhabu Inthieng (BSI)

³ Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

2 LALHAI 23:3 ပူးပေါင်းရင်းမြစ်များ

2 LALHAI 11:14

chun, a hang en a, ngai ta, lal chu dân angin ban hrûla hin a lo ngîr a, sipai hotuhai le tawtawrâwt mûttuhai chu lal kâwlah an ngîr a; chun, chu rama mi po po chu an hlim êm êm a, tawtawrâwt dâm an mût an mût a. Chuongchun, Athalia chun a puonhai a keithlêr a, “Phier rûkna! Phier rûkna a ni tah ie,” tiin a khêk a.

2 LALHAI 11:17

Chun, Jehoiada chun Lalpa le lal le mipuihai kâra chun Lalpa mihai an hung nina dingin thu a thlung ta a; lal le mipuihai kâra khawm chun.

2 CHANCHIN SUINA 15:15

Juda mihai po po chu thutiem chun an hlim hle a, an lungril po poin an inkhâm a, an châkna po poa ama chu an zawng leiin, ama chu an ihmua chun a um hrim a; chuongchun, a vêlin anni chu Lalpa chun muongna a pêk ta a.

2 CHANCHIN SUINA 23:13

chun, a hei en a, lûtna bula chun lal chu a sûtpui kâwla chun a ngîr a, sipai hotuhai le tawtawrâwt puhai khawm chu lal kâwla chun an um a. Chuongchun, ram sûng mi po po chu an hlim bêk bêk a, tawtawrâwthai an mût a; hla saktuhai khawm chun hla sakna thuomhnawhai chu sutin, chawimawina hla chu an sak ta a. Chun, Athalia chun a puonhai chu a keithlêr a, “Phierrûkna, phierrûkna,” tiin a khêk a.

2 CHANCHIN SUINA 23:16

Chun, Jehoiada chun ama le mipuihai po po le, lal inkâra chun Lalpa mihai chu an ni ding a nih, tiin thuthlung a siem ta a.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

EZRA 10:3

Chuleiin, tuhin, chuong nuhmeihai po po chu ma ding le, annia inthawka pieng taphawt chu sie hmang dingin, Lalpa le ei Pathien thupêka inthintuhai rorêl ang peiin, ei Pathien leh thuthlung siem ei tiu; chuongchun, dân ang taka thaw ni raw se.

NEHEMIA 10:1

Chuongchun, a mi namdetpuituhai chu Hakalia naupa, ram awptu Nehemia le Zedekia,

NEHEMIA 5:13

Ka dierkei chu ka thin a, “Hi thutiem anga thaw naw taphawt chu Pathien chun a ina inthawk le a sinthawa inthawkin hieng ang hin thinthla raw se; hieng anga thin thlâkin um sienla, sukruokin um raw se,” ka ti a. Chun, a pungkhâwmhai po po chun, “Amen,” an ti a, Lalpa an inpâk a. Chun, mipuihai chun chu thutiem ang chun an thaw ta a.

NEHEMIA 9:38

Chuong po po lei chun thu dettak kan thlung a, kan ziek a, kan mi lienhai, kan Levi mihai le kan thiempuhaiin an namdetpui a.

FESUOKNA 24:3

Mosie chu a hung a, Lalpa thu po po le dânhai po po chu mipui a hril ta a. Mipui po po chun thu thuhmunin an dawn a, “Lalpain thu a hril po po chu thâwng kan tih,” an ti a.

THUHRILTU 8:2

Thurâwn ka pêk che; Lal thupêk chu pawisa rawh, Pathiena în khâmna lei chun.

JEREMIA 34:15

Chun, tu el khawm in hung lamlêt a, mi tinin mâni tuolbâwm ta dinga zalênna puongin, ka mithmuah thilindik chu in thaw ta a; chun, ka hming chawia ko ina chun ka hmaah thuthlung khawm chu in lo siem ta bawk a.

JEREMIA 34:8

Lal Zedekiain Jerusalema mipuihai po po kuoma, an kuoma zalênna thu phuong dinga thuthlung a siem hnunga Jeremia kuoma Lalpa thu hung tlung chu:

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

DÂN PAHNINA 10:12

“Khai le, Israel mihai, nangnia inthawka Lalpa in Pathienin a phût chu ieng dang khawm a ni naw a, in ṭhatna dinga Lalpa in Pathien in ṭi a, a lampui po po chu hraw a, ama hmangai a, in lungril po po le in lungvar po poa Lalpa in Pathien rawng bâwl a,

DÂN PAHNINA 11:13

“Chun, Lalpa in Pathien chu hmangai ding le in lungril po po le in lungvar po poa a rawngbâwl dinga ka thupêk tuta ka pêk cheu hi ṭhahnemngaitaka in zâwm chun,

DÂN PAHNINA 13:4

Lalpa in Pathien chu zui in ta, ama chu ṭîng in ta, a rawng dâm bâwl in ta, ama chu in chel tlat ding a nih.

DÂN PAHNINA 29:1

Horeb tlânga an kuoma thu a thlung bâkah Lalpain Moab rama Israel mihai kuoma Mosie thu ân thlungtir, a thuthlung thuhai chu hieng hi a nih.

DÂN PAHNINA 4:45

Aigupta rama inthawka an hung suok laia Mosieinn Israel thlahai kuoma inhriettirna dâm, dân dâm, rorêl dâm a hril chu a nih;

DÂN PAHNINA 6:1

“Chun, hluo dinga in va kaina rama in zâwm dinga Lalpa in Pathienin nangni inchûktir dinga thu a mi pêk, thupêk dâm, thuruot dâm, rorêl dâm chu hieng hi an nih;

DÂN PAHNINA 6:5

Lalpa in Pathien chu in lungril po poin, in lungvar po poin, in hrâtna po poin in hmangai ding a nih.

DÂN PAHNINA 8:19

Lalpa in Pathien chu in theinghil a, Pathien danghai in zui a, a rawng dâm in bâwl a, in biek hlau chun, bohmang ngei ngei in tih ti vawisûn hin kân hriettir cheu.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,