2 LALHAI 2:8 - Pathien Lekhabu Inthieng (BSI)

⁸ Chun, Elija chun a puon chu a hlîp a, ân têl a, tui chu a vuok ta a, chuongchun, khingtieng khingtieng chun a lo inṭhe a, an pahni chun hnuoi hula chun an fe kai ta a.

2 LALHAI 2:8 ပူးပေါင်းရင်းမြစ်များ

1 LALHAI 19:13

chun, mei zoa chun râwl innêmtak el hi a hung suok a, chun, Elija chun chu chu a hriet chun a puonin a hmai ân khum a, a va suok a, pûk baua chun a va ngîr a. Chun, ngai ta, râwl chun a kuomah, “Hitaka hin ieng am i thaw a, Elija?” a hung ti a.

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

2 LALHAI 2:14

Chun, Elija puon amaa inthawka tla chu a lâk a, “Elija Pathien Lalpa chu khâwlai am a um a?” a ti a, tui chu a vuok a, chuongchun, khingtieng khingtieng chun tui chu an lo inṭhe ta a. Chun, Elisa chu râlkhing chu a kai ta a.

FESUOKNA 14:29

Israel mihai ruok chu tuipui kâra chun hnuoi hulah an fe a, tui chu an changtieng le vawitieng chun bang angin a umpêk a.

ISAI 11:15

Chun, Lalpa chun Aigupta tuisuoriet kilkawi chu sukse vawng a ta; Vadungpui khawm chu a thli lum vut vut chun a kut thin khum a tih; vadungtê pasaria siem khawp rauin vuong a ta, mihai chu kepha khawm hu lovin infekaitir a tih.

HEBRAIHAI 11:29

Ringnain khawmuola fe angin Tuipui Sena khan an fe kai a; Aiguptahaiin chu chu thaw an tum ve a, lem zoin an um ta a.

HEBRAIHAI 11:37

lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan ta a.

1 SAMUEL 28:14

Chun, a kuomah, “Ieng ang am a na?” a ta. Ama chun, “Tarsie hi a hung suok a, zakawfuol a hâk,” a ta. Chun, Saula chun Samuel a nih ti a hriet a, a hmaia hnuoi sikin chibai a bûk a.