2 LALHAI 2:6 - Pathien Lekhabu Inthieng (BSI)

⁶ Chun, Elija chun a kuomah, “Hitaka hin lo um rawh, ka ngên che hi, Lalpa chun Jordan vadung chena fe dingin a mi tir si a,” a ta. Chun, ama chun, “Lalpa hringna le nanga hringna sâlin ka hril a nih, um san naw tawp ka ti che,” a ta. Chuongchun an pahni chun an fe pei ta a.

2 LALHAI 2:6 ပူးပေါင်းရင်းမြစ်များ

INṬANNA 22:6

Abraham chun pumrawhmang inhlânna thing chu a lâk a, a naupa Isak chu ân puttir a: ama chun mei le chemte a chawi a, chuongchun, an pahni chun an fe ta a.

INṬANNA 22:8

Abraham chun, “Ka naupa, Pathienin ama ta dinga pumrawhmang inthawina ding berâmte chu ngaituo fâwm el a tih,” a ti a: chuongchun, an pahni chun an fe pei ta a.

2 LALHAI 2:2

Chun, Elija chun Elisa kuomah, “Hitaka hin lo um hri rawh, ka ngên che hi, Lalpa chun Bethel chena fe dingin a mi tir a nih,” a ta. Elisa chun, “Lalpa le nang a hringna sâlin ka hril a nih; um san naw tawp ka ti che,” a ta. Chuongchun, Bethela chun an fe thla ve ve ta a.

2 LALHAI 4:30

Chun, naupang nu chun, “Lalpa hringna le nanga hringna sâlin ka hril a nih, inthla naw ning che,” a ta. Chun, a tho a, a zui ta a.

JOSUA 3:15

bâwm zâwntu thiempuhai ke chun vapang tui a hang sir phingleh (bu sîk sûng po hin chu Jordan vadung hi a kuong po po a liem zing hlak a),

JOSUA 3:8

Chun, thuthlung bâwm zâwntu thiempuhai chu thu pêng i ta, ‘Jordan vadung pang chu in tlung pha chun, Jordana chun ngir zing ro,’ tiin,” a ta.

RUTH 1:16

Nisienlakhawm, Ruth chun, “Nang kîrsan ding che le zui lo ding chein mîn fui naw rawh; i fena phawtah fêng ka ta, i riekna phawtah riek ka ta, i chihai chu ka chihai nîng an ta, i Pathien chu ka Pathien nîng a ta;

1 SAMUEL 1:26

Chun, ama chun, “Aw ka lalpa, i hringna sâlin ka hril a, kei chu aw lalpa, hi hmuna i kâwla ngîr a, Lalpa kuoma ṭawngṭaitu nuhmei ka ni ngei a.

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el si a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, Lalpa hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.