2 LALHAI 2:2 - Pathien Lekhabu Inthieng (BSI)

² Chun, Elija chun Elisa kuomah, “Hitaka hin lo um hri rawh, ka ngên che hi, Lalpa chun Bethel chena fe dingin a mi tir a nih,” a ta. Elisa chun, “Lalpa le nang a hringna sâlin ka hril a nih; um san naw tawp ka ti che,” a ta. Chuongchun, Bethela chun an fe thla ve ve ta a.

2 LALHAI 2:2 ပူးပေါင်းရင်းမြစ်များ

INṬANNA 28:19

Chu hmun hminga chun Bethel ân bûk a, a khaw hming hmasa chu Luz a nih.

1 LALHAI 12:28

Chuongchun, lal chun mi a râwn a, rângkachak bâwngte lim, pahni a siem a, an kuoma chun, “In ta dingin Jerusalem khuoa hang fe chu ân tak talaw êm a, aw Israelhai, en ta u; Aigupta rama inthawka ṭhuoi suoktu cheu in pathienhai hi,” a ta.

1 LALHAI 12:29

Chun, pakhat chu Bethelah a sie a, pakhat chu Danah a sie bawk a.

1 LALHAI 12:33

Chun, amain a dit anga a ruot thla ngei, thla rietna, ni sâwm le ni nga nia chun Bethela a maichâm siema chun a hang fe a, chun, Israel mipuihai ta dingin ruoiṭhe ni a ruot a, maichâma riminhnik raw dingin a hang fe a.

2 LALHAI 2:23

Chun, chutaka inthawk chun Bethelah a hang fe a, chun, lampuia a fe lai chun khawpuia inthawk hin naupang chitê tehai chu an hung suok a, ama chu an nuisan a, a kuomah, “Hang fe rawh, nang lusîp kawlpa,” an ta.

2 LALHAI 2:4

Chun, Elija chun, “Elisa, hitaka hin lo um phawt rawh, ka ngên che hi, Lalpa chun Jeriko chena fe dingin a mi tir si a,” a ta. Ama chun a kuomah, “Lalpa hringna le nanga hringna sâlin ka hril a nih, um san naw tawp ka ti che,” a ta. Chuongchun, Jeriko chen chun an zu fe ta a.

2 LALHAI 2:6

Chun, Elija chun a kuomah, “Hitaka hin lo um rawh, ka ngên che hi, Lalpa chun Jordan vadung chena fe dingin a mi tir si a,” a ta. Chun, ama chun, “Lalpa hringna le nanga hringna sâlin ka hril a nih, um san naw tawp ka ti che,” a ta. Chuongchun an pahni chun an fe pei ta a.

2 LALHAI 4:30

Chun, naupang nu chun, “Lalpa hringna le nanga hringna sâlin ka hril a nih, inthla naw ning che,” a ta. Chun, a tho a, a zui ta a.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

1 SAMUEL 1:26

Chun, ama chun, “Aw ka lalpa, i hringna sâlin ka hril a, kei chu aw lalpa, hi hmuna i kâwla ngîr a, Lalpa kuoma ṭawngṭaitu nuhmei ka ni ngei a.

1 SAMUEL 17:55

Chun, Saulan Philistin mihai thaw dinga David a fe lai a hmu khan sipai hotu Abner kuoma chun, “Abner, hi tleirâwl hi tu nau am a na?” a ta. Chun, Abner chun, “I hringna sâlin ka hril a nih, aw lalpa, ka hriet dêr naw a,” a ta.

1 SAMUEL 25:26

Chuleiin, tuhin pu Lalpa hringna le i hringna sâlin ka hril a nih, ka lo hmu naw takzet a nih, Lalpain thisen insuo lo ding le i kuta phuba la lo dingin a siem si che a, i hmêlmahai le ka pu ṭhat nawna zawngtuhai chu Nabal ang ni el raw se.