2 LALHAI 2:13 - Pathien Lekhabu Inthieng (BSI)

¹³ Elija puon amaa inthawka hung tla chu a lâk a, a kîr a; Jordan vadung panga chun a ngîr ta a.

2 LALHAI 2:13 ပူးပေါင်းရင်းမြစ်များ

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

1 LALHAI 9:26

Chun, lal Solomon chun Edom rama Tuipui Sen panga Eloth bula um Ezion-geber hmuna chun lawng ruol a siem a.

2 LALHAI 2:12

Chun, Elisa chun a hmu a, “Pa, Pa! Israel sakawr tawlailîr le sakawr chung chuong mihai !” tiin a khêk a.

2 LALHAI 2:14

Chun, Elija puon amaa inthawka tla chu a lâk a, “Elija Pathien Lalpa chu khâwlai am a um a?” a ti a, tui chu a vuok a, chuongchun, khingtieng khingtieng chun tui chu an lo inṭhe ta a. Chun, Elisa chu râlkhing chu a kai ta a.

2 LALHAI 2:8

Chun, Elija chun a puon chu a hlîp a, ân têl a, tui chu a vuok ta a, chuongchun, khingtieng khingtieng chun a lo inṭhe a, an pahni chun hnuoi hula chun an fe kai ta a.

HEBRAIHAI 11:37

lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

1 SAMUEL 28:14

Chun, a kuomah, “Ieng ang am a na?” a ta. Ama chun, “Tarsie hi a hung suok a, zakawfuol a hâk,” a ta. Chun, Saula chun Samuel a nih ti a hriet a, a hmaia hnuoi sikin chibai a bûk a.