2 LALHAI 17:6 - Pathien Lekhabu Inthieng (BSI)

⁶ Hosea kum kuo ân lal kum chun Assuria lal chun Samari khuo chu a lâk a, Israel mihai chu Assuria rama chun a ṭhuoi a, Hala rama dâm, Gozan rama Habor vadunga dâm, Media mihai khuoa dâm ân umtir a.

2 LALHAI 17:6 ပူးပေါင်းရင်းမြစ်များ

HOSEA 13:16

Samaria chu sukrêmin um a tih, A Pathien chungah a hel si a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

1 CHANCHIN SUINA 5:26

Chuongchun, Israel Pathien chun Assuria lal Pul lungril le Assuria lal Tiglath-pileser lungril chu a chawktho a, Reuben mihai, Gad mihai, Manasse hnam zâtve le chun a man a, Halah, Habor, Hara le Gozan vadung chenin vawisûn ni chen hin a hung ṭhuoi ta a.

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

AMOS 5:27

Chuleiin, Damaska khaw khêltieng salah infetir ka ti cheu,” Lalpa, a hming sipaihai Pathien chun a tih.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuomah Lalpa chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 30:18

bohmang ngei ngei in tih, ti tuhin ka hril cheu a nih, Jordan vadung kaia hluo dinga in va lûtna ding rama chun dam sâwt naw ti niu.

LEVI DÂN 26:38

Hnam danghai lai chun bohmang in ta, in hmêlmahai ram chun fa zo a ti cheu.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

DANIEL 5:28

PERES chu ‘I ram chu ṭhe a ni ta a, Media le Persia mihai kuoma chun pêk a ni tah,’ tina a nih,” tiin.

2 LALHAI 19:12

Hnam tin pathienhai chun ka pi le puhaiin an sukbohmanghai kha an sanhim hlak am a nih? Gozan dâm, Haran dâm, Rezeph dâm, Eden nau hai Telassar khuoa umhai,

INṬANNA 10:2

Japheth naupasalhai chu: Gomer, Magog, Madai, Javan, Tubal, Mesek le Tiras an nih.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

1 CHANCHIN SUINA 5:22

Mi tamtak chu thatin an um a, indona chu Pathien ta a ni si a. Chun, anni chu an aia chun sala ṭhuoi anni hma po chun an um ta a.

EZRA 6:2

Chun, Media biela lal inah Akmethaa chun lekha zuol hmu suok a ni ta a; chutaka chun hriet zingna dingin hieng anga ziek hi a na,

ISAI 10:9

Hamath khuo chu Arpad khuo ang el a ni tah a ni naw am a nih? Samari khuo chu Damaska khuo ang el a ni tah a ni naw am a nih?

ISAI 36:19

Hamath le Arpadhai pathienhai kha khâw lai am an um ta a? Sepharvaimhai pathienhai kha khâw lai am an um ta a? Samari khuo kha keimaa inthawk khan an sanhim ta am a nih?

ISAI 37:18

Lalpa, Assuria lalhaiin ram po po le an inchâwk chu an suksiet ngei luo a,

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

1 LALHAI 8:46

I chungah thil an suksuol a, (tukhawm thil suksuol naw an um si naw a) an chungah i lunginsen a, hmêlma kuta i pêk a, hmêlma ram hlataka manih, hnaitaka manih khawma sala an ṭhuoi a;

2 LALHAI 17:23

chuonghai chu Lalpain a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi ta a, tu chen hin chutaka chun an la um ta zing a nih.

2 LALHAI 18:34

Hamath le Arpad pathienhai kha khâwlai am an um ta leh? Sepharvaim dâm, Hena dâm, Ivva dâm pathienhai khawm kha khâwlai am an um ta leh? Samari khuo kha keia inthawkin an sanhim am a nih?

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

NEHEMIA 9:32

Chuleiin, kan Pathien, Pathien ropui, iengkim thawthei le ṭium, thuthlung hlena lunginsietna suklangtu chun keini chunga le kan lalhai, kan mi lienhai dâm, kan thiempuhai dâm, kan zâwlneihai dâm, kan pi le puhai le i mihai po po chungah, Assuria lalhai inlal laia inthawka tu chena rinumna hung tlung zozai hi thil chîn thamah ngai naw rawh.

ISAI 8:4

Naupang chun, ‘Nu, Pa,’ ti nachâng a hriet hma khawmin Damaska hausaknahai le Samaria inthawka râllâk sumhai chu Assuria lal hmaah an fe hmangpui ding a ni si a,” a ta.

ISAI 17:4

Chu nia chun, Jakob ropuina chu sukchêrin um a ta, a tisa thâuna chu hung chêr tâng a tih.

ISAI 36:17

ka hunga nangni ram anga bei le uoin umna ram, bei le grêp huonhai umna rama ka fepui hmâkhat cheu chun.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

HOSEA 1:4

Chun, Lalpa chun a kuomah, “A hmingah Jezreel sak rawh; Jezreel thisen phuba chu Jehu sûnghai chungah lâng ka ta; Israel sûnghai ram chu suktâwp ka tih.

HOSEA 9:3

Lalpa rama chun chêng naw ni hai a, Ephraim chu Aigupta tieng kîr lem a tih; Assuria rama chun bu thieng naw fâng an tih.