2 LALHAI 16:3 - Pathien Lekhabu Inthieng (BSI)

³ Israel lalhai lampui hraw chu a hraw ve a, anih, Lalpain Israel mipuihai hmaa a hnawtsuok hnamhaiin thil tirdakumtak an thaw hlak angin a naupa chu meiah ân lûttir a.

2 LALHAI 16:3 ပူးပေါင်းရင်းမြစ်များ

1 LALHAI 14:24

chu rama chun pasal mâni inzawrhai khawm an um a, Israel thlahai hmaah Lalpain a hnawtsuok tah hnamhai thilthaw tirdakum tinrêng ang chu an thaw ve a.

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 17:17

Chun, an naupasalhai le an naunuhmeihai chu meiah an inlûttir a, aisân le dawi dâm an chîng a,Lalpa suklungsenna dingin a mithmua thil ṭha nawtak thaw dingin an inzawr a.

2 LALHAI 17:19

Judahai khawm chun Lalpa an Pathien thupêkhai chu an zâwm naw a, Israelhaiin an pawm thuruothai ang chun an um lem a.

2 LALHAI 17:8

Lalpain Israel mipuihai hmaa a lo hnawt suok tah hnamhai thuruot le Israel lalhai thuruot anga an lo pawm tâk lei a nih.

2 LALHAI 21:11

“Juda lal Manasse hin hieng thil tirdakumtakhai hi a thaw a, a hmaa Amor mihai nêk hmanin a suksuol nasa a, Judahai hi a milimhaiin thil ân suksuoltir leiin:

2 LALHAI 21:2

Chun, Lalpain Israel thlahai hmaa a hnawtsuok tah, hnamhaiin thil tirdakumtak an thaw hlak ang, Lalpa mithmuah thil ṭha nawtakhai chu a thaw hlak a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

2 LALHAI 21:9

Nisienlakhawm, an pawm nuom naw a, Lalpain Israel thlahai hmaa a hnawt suok tah hnamhai thaw nêk hmana nasa lem thil suksuol dingin Manasse chun mihai a thlêm thlûk hlak a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 LALHAI 8:18

Ahab sûnghai angin, Israel lalhai lampui hraw chu a hraw ve a; Ahab naunu chu nuhmeiin a nei a nih; chuongchun, Lalpa mithmua chun thil ṭha nawtak a thaw hlak a.

2 CHANCHIN SUINA 22:3

Ama khawma Ahab sûngkaw lampuihai kha a hraw ve a; a nu chu khawhlotaka khawsa dinga a thu rawtpuitu a ni si a.

2 CHANCHIN SUINA 33:2

Ama chun Lalpain Israel mihai hmaa a hnawt suokhai, khawhri be mihai tirdakumna ang chun Lalpa mithmuah thil ṭha naw chu a thaw a.

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

INPÂKNA HLABU 106:35

Hnam tin chu an pâwl a, An thilthawhai chu an inchûk lem a.

ISAI 57:5

Nangni thingsaisuo laia, thing buk hnuoi tina insukthafâna, ruom sûnghaia lung kak bula dâm naupang thattuhai.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

EZEKIEL 16:21

I nawchizawrna chu thil chîn tham a ni ding maw? Ka nauhai i that a, meia infethlengtir dinga an kuoma i pêk hi!

EZEKIEL 16:47

An lampuihai chu i hrawin, an tirdakumnahaia chun i lungawi tâwk naw a; amiruokchu, hun sâwt nawtê sûngin i um dân po poah anni nêk hmanin i se lem a.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun Lalpa ka nih ti an mi hriet theina dingin anni chu ka sukpawrche a.

EZEKIEL 20:31

In thilpêkhai in inhlân lai le, in naupasalhai chu meia in infethlengtir lai khan, in milimhaia khan vawisûn ni chen hin in insukpawrche a ni nâwm a nih? Aw Israel sûngkuo, nangni mi râwn hin ka um rawp ding maw? Ka hring zing angin, Lalpa Pathien chun a tih, nangni irâwn hin chu um ta naw ningah.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

LEVI DÂN 20:2

“Israel mipuihai kuoma chun, ‘Tukhawm Israel thlahai laia mi amanih, Israel rama khawsa, ram dang mi amanih, mâni rîla rahai a tukhawm Molek kuoma pe taphawt chu sukhlum ngei ding a na, hi rama mihai hin lungin an dêng ding a nih.

MIKA 6:7

Lalpa chu berâmchal sâng tamtak amanih, hriek vadung sînghaia dâm chun a lungawi ding am a nih? Ka bawsietna leiin ka nau lutîr chu ka pêkin, ka thlarau suolna leiin ka taksa ra chu ka pêk ding am a nih?

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,