2 LALHAI 15:4 - Pathien Lekhabu Inthieng (BSI)

⁴ Amiruokchu, bâwlhmunhai chu sukbo a ni chuong nawh, bâwlhmunahai chun mihai chu an lân thâwiin, riminhnik an la raw zing hlak.

2 LALHAI 15:4 ပူးပေါင်းရင်းမြစ်များ

1 LALHAI 15:14

Bâwlhmunhai ruok chu a sukbo naw a, nisienlakhawm, Asa lungril chu a dam sûng po chun Lalpa tieng chun a ṭha famkim a nih.

1 LALHAI 22:43

A pa Asa lampui hraw po po chu a hraw ve a; pêtsan dêr lovin Lalpa mithmuah thilṭha a thaw hlak a, bâwlhmunhai chu a sukbo vawng naw a, bâwlhmunahai chun mihai chu an inthâwiin riminhnikhai chu an la raw zing hlak a.

2 LALHAI 12:3

Amiruokchu, bâwlhmunhai chu sukbohmang a ni chuong nawh; bâwlhmunahai chun mihai chu an inthâwiin riminhnik an la raw zing tho a.

2 LALHAI 12:4

Chun, Jehoas chun thiempuhai kuomah, “Lalpa ina lâklût, thil ser intlanna sum po po tiem sa tahai laia fe taphawthai ta dinga tuk, an hringna intlanna sum dâm, tukhawma Lalpa ina lâk lût an phal sum po pohai chu,

2 LALHAI 14:4

Amiruokchu, bâwlhmunhai ruok chu sukbo a ni chuong nawh; bâwlhmunahai chun mihai chu an lân thâwiin, riminhnik an la raw zing hlak a.

2 LALHAI 15:3

Chun, a pa Amazia thilthaw ang po thaw vein, Lalpa mithmuah thil ṭhatak a thaw hlak a.

2 LALHAI 15:34

Chun, a pa Uzzia thilthaw ang po thaw vein; Lalpa mithmuah thil ṭhatak a thaw hlak a.

2 LALHAI 15:35

Amiruokchu, bâwlhmunhai chu sukbo a ni chuong nawh; bâwlhmunahai chun mihai chu an lân thâwiin, rim inhnik an la raw zing hlak. Lalpa in kawtkhâr sakhnung lem chu a siemṭha a.

2 LALHAI 18:4

Bâwlhmunhai a sukbo a, lungphunhai a sukchim a, Asera dâm a phûr a; chun, Mosie dâr rûl siemhai chu a suknâwi vawng a; chuong lai hun chen chun Israel mipuihai chun a kuomah riminhnik an la raw rawp hlak a nih; chu chu Nehustan an ti hlak a.

2 CHANCHIN SUINA 17:6

Chun, Lalpa kawngahai chun a lungril chu a thle a; chu nawa khawm Juda rama Asera le bâwlhmunhai po po chu a lâk hmang a.

2 CHANCHIN SUINA 32:12

Hi Hezekia bawk hin bâwlhmunhai le maichâmhai chu a lâkhmangin, Juda ram le Jerusalema mihai chu, maichâm pakhat hmaa chun Pathien chibai bûk in ta, a chunga chun riminhnik khawm in raw ding a nih, tia thu pe kha?

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.