2 LALHAI 13:6 - Pathien Lekhabu Inthieng (BSI)

⁶ Amiruokchu, Israelhai thil insuksuoltira a thaw Jeroboam sûnghai suolna kha an mâksan naw a; an la chîng ta zing lem a; chun, Samari khuoa chun Asera khawm chu a la um zing nghe nghe a.

2 LALHAI 13:6 ပူးပေါင်းရင်းမြစ်များ

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 15:3

A hmaa a pain thil suol a thawhai po po kha a thaw ve a; a pu David lungril angin a lungril chu Lalpa a Pathien tienga chun a ṭha famkim ve naw a.

1 LALHAI 16:26

Nebat naupa Jeroboam thawdân po po kha a lâk a, an khawhlona leia Lalpa Israelhai Pathien suklungsenna dinga Israelhai thil ân suksuoltirna ang khan a suol ve si a.

1 LALHAI 16:33

Chun, Ahab chun Asera a siem a; a hmaa Israel lalhai po po nêkin Ahab chun Lalpa Israelhai Pathien suklungsenna dingin thil a thaw nasa bîk a nih.

2 LALHAI 10:29

Nisienlakhawm, Nebat naupa Jeroboam suolna-Israelhai thil insuksuoltira a thawhai chu Jehu chun a bân chuong naw a; chu chu Bethel khuo le Dan khuoa rângkachak bâwngte lim biek a nih.

2 LALHAI 13:11

Chun, Lalpa mithmuah thil ṭha nawtak a thaw hlak a; Israel hai thil insuksuoltira a thaw Nebat naupa Jeroboam suolnahai po po kha a mâksan bîk naw a, a la chîng zing ta lem a.

2 LALHAI 13:2

Lalpa mithmuah thil ṭha nawtak a thaw hlak a, Israelhai thil insuksuoltira a thaw Nebat naupa Jeroboam suolnahai kha a chîng ve a, a mâksan nâwk ta hrim hrim naw a.

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 18:4

Bâwlhmunhai a sukbo a, lungphunhai a sukchim a, Asera dâm a phûr a; chun, Mosie dâr rûl siemhai chu a suknâwi vawng a; chuong lai hun chen chun Israel mipuihai chun a kuomah riminhnik an la raw rawp hlak a nih; chu chu Nehustan an ti hlak a.

2 LALHAI 21:3

A pa Hezekiain a suksiet tah bâwlhmunhai chu a siem ṭha nâwk a; Israel lal Ahab thaw angin Baal maichâmhai a siem a, Aserahai a siem a, vâna um po po khi a biek a, an rawng a bâwl a.

2 LALHAI 23:4

chun, mipui po po khawm chun an thlungpui a. Chun, lalin thiempu laltak Hilkia hai, a dawttu thiempu hai, kawtkhâr vêngtuhai chu Lalpa biek in sûnga Baal le Asera le, vâna thil umhai po po ta dinga siem bûr le bêlhai po po chu la suok vawng dingin thu a pêk a; chuongchun, Jerusalem puotieng Kidron phûlah a raw a, a vâmhai chu Bethelah a fepui a.

ISAI 26:10

Mi rilo chu ditsakin um sienla khawm, felna inchûk chuong naw nih: indikna rama chun indik nawtakin thâwng a ta, Lalpa ropuina hmu chuong naw ni.

DÂN PAHNINA 7:5

An chungah hieng ang hin in thaw lem ding a nih, an maichâmhai sukchim in ta, an lungphunhai suknâwi in ta, an Aserahai phûr in ta, an milim siemfâwmhai in raw vawng ding a nih.