2 LALHAI 13:5 - Pathien Lekhabu Inthieng (BSI)

⁵ Lalpa chun Israelhai chu sandamtu a pêk a; chuongchun, Suria mihai hnuoia an um chu an suok a, Israel thlahai chu kha hma ang bawk khan anni in tieng an um nâwk ta ṭawk ṭawk a.

2 LALHAI 13:5 ပူးပေါင်းရင်းမြစ်များ

2 LALHAI 13:25

Chun, Jehoahaz naupa Jehoas chun Hazael naupa Benhadadin a pa Jehoahaz a rûn a, khuo a lâkpêkhai kha a lâkpêk nâwk a, Joas chun vawi thum a hne a, Israel ram khuohai chu a lâk nâwk a.

2 LALHAI 14:25

Lalpa Israelhai Pathien a siehlaw, Gath-hepher mi Amittai naupa zâwlnei Jona hmanga a thuhril ang khan, Hamath lûtnaa inthawka Araba tuipui chenin Israel ramah a bel nâwk a.

2 LALHAI 14:27

Lalpain Israelhai hming hi vânkhuphnuoia hin a sukchimit dêr ding a nih ti chu a lo hril naw hrim a. Joas naupa Jeroboam hmangin a sandam ta lem a nih.

1 CHANCHIN SUINA 11:2

Kha hmaa Saula lal a ni lai khawm khan, nangin i mi keihruoi a, Israel rama hin i mi hung lûtpui a na, Lalpa i Pathien chun i kuomah, ‘Ka mi Israelhai chu châwm i ta, ka mi Israelhai chunga chun lal nîng i tih,’ a ti kha,” an ta.

NEHEMIA 9:27

Chuleichun, anni sukrinumtu an hmêlmahai kuta chun i pêk a; an lunginzîng laia an ko lai che khan vâna inthawk chun i lo ngai a; i zainêmna nasatak chun an hmêlmahaia inthawkin sansuoktu ding sandamtuhai i pêk a.

ESTHER 4:14

Hi hi huna i to ṭawk ṭawk a, Judahai ta dinga himna le sansuokna hmun danga inthawkin a hung suok khawmin, nang le i pa sûngkuo chu bohmang tho ei tih; hieng ang lai huna ding hin a ni el thei i sawnnaw, lal nina i chang hi,” tiin.

FESUOKNA 4:10

Mosie chun Lalpa kuomah, “Tuhin le a hma khawmin, i siehlaw kuomah thu i hung hril chena khawm, mi danginnâl ka ni naw a, ṭawng muongtak le danginâwk ka ni si a,” a ti a.

ISAI 19:20

Chu chu Aigupta rama sipaihai Lalpa ta ding chun inchikna le hrietna nîng a tih, nêksâwrtuhai leiin Lalpa chu an la ko ding a ni si a; chuongchun, ama chun sandamtu le humhimtu tir a ta, ama chun annirawi chu sansuok a tih.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu Lalpa ta nîng a tih.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

DÂN PAHNINA 19:4

Tuolthathai chutaka tlânlûta him theihai chu hienghai hi an nih; mîn a tuolbâwm kha hmaa theidâna khawm nei chuong lova that paltu hai,

1 SAMUEL 12:11

Chun, Lalpa chun, Jerubbaal hai, Bedan hai, Jephtha hai, Samuel hai a tir a, in hmêlma khingtieng khingtienga mihai kuta inthawkin a sansuok cheu a, himtakin in um a.

1 SAMUEL 19:7

Chun, Jonathan chun David chu a ko a, Jonathan chun chuong thil po po chu a hril a. Chun, Jonathan chun David chu Saula kuoma chun a ṭhuoi a, inhma ang bawk khan a kuoma chun a um nâwk ta a.