2 LALHAI 13:4 - Pathien Lekhabu Inthieng (BSI)

⁴ Chun, Jehoahaz chun Lalpa kuomah a ngên a ngên a; chun, Lalpain a thu chu a lo ngaipêk a, Israelhai nêksâwra an um a, Suria lalin anni a nêksâwrzie chu a hmu zing si a.

2 LALHAI 13:4 ပူးပေါင်းရင်းမြစ်များ

INṬANNA 21:17

Chun, Pathienin naupang râwl chu a hriet a, chun Pathien vântirkoin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.

INṬANNA 31:42

Ka pa Pathien, Abraham Pathien, Isak Iṭi chu ka kuomah um naw sienla lem chu, tu khawm hin ruok ngawta mîn fetir ngei ding i ni hi. Pathienin ka rinum tuor le ka rimsikzie chu a hmu a, zâni zân chun a kâwk che a ni chu,” a ti a.

2 LALHAI 13:22

Chun, Suria lal Hazael chun Jehoahaz hun sûng chun Israelhai chu a nêksâwr zing a.

2 LALHAI 13:23

Nisienlakhawm, Lalpain Abraham kuoma dâm, Isaak kuoma dâm, Jakob kuoma dâm khan thu a thlung leiin anni chu a lunginsiet a, a lainat a, a ngaisak a, anni chu a sukbohmang nuom naw a, a kuoma inthawk chun a la pei thlâk nuom ta naw rawp a.

2 LALHAI 14:26

Lalpain Israelhai rinumzie chu a nasa êm êm a nih ti a hriet si a; khuokhir le khir nawhai khawm an um chuong si naw a; Israelhai ṭhangpuitu ding tukhawm an um bawk nawh.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

EZRA 8:23

Chuongchun, bu chu kan nghei a, hi hi ding hin kan Pathien chu kan ngên a: chuongchun, keini ngênthlûkin ama chu a um ta a.

JOB LEKHABU (THE BOOK OF JOB) 22:27

I ṭawngṭaina chu ama kuomah siem i ta, ama chun dawn a ti che; Chun, thutiemhai chu ama pe tâng i tih.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 78:34

Anni a that poleh ama chu an zawng hlak a, An kîr nâwk a, zîngkâr Pathien an zawng hlak.

FESUOKNA 3:7

Chun Lalpa chun, “Aiguptaa ka mihai rimsikzie chu feltakin ka hmu a, an sinthaw hotuhai sukrimsikna leia an khêkri khawm chu ka hriet a, an tuornahai chu ka hriet a,

FESUOKNA 3:9

Chuongchun, tuhin, ngai ta, Israel mihai khêkri chu ka kuom a hung tlung a, chu nâksapah nêksâwr an nina, Aigupta mihaiin an nêksawrna chu ka hmu zing bawk a.

ISAI 26:16

“Lalpa, an lunginzîng lai chun an sir hlak che a, i hremna chu an chunga a tlâk lai chun an ṭawngṭai zawmzawt a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an ti a, an hmai tieng ni lovin, an hnung an mîn nghat ta si a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

NAMBAR 21:7

Chun, mihai chu Mosie kuomah an fe a, “Lalpa le nangma kala kan lo ṭawng ta hi kan lo suol tah a nih; keini laia rûlhai hi sukbo dingin Lalpa kuomah ṭawngṭai raw khai,” an ti a; chuongchun, mihai chu Mosie chun a ṭawngṭaipêk a.

RORELTUHAI 10:10

Chun, Israel mihai chun, “Kan Pathien chu kan lo nghatsan chie ta che a, Baalhai rawng chu kan lo bâwl ta leiin i chungah thil kan lo suksuol tah a nih,” tiin Lalpa an ko a.