2 LALHAI 13:3 - Pathien Lekhabu Inthieng (BSI)

³ Chun, Lalpa lung chu Israelhai chunga chun a chawk a, chuongchun, Suria lal Hazael kuta le, Hazael naupa Benhadad kuta chun a pêk ta pei a.

2 LALHAI 13:3 ပူးပေါင်းရင်းမြစ်များ

1 LALHAI 19:17

Chun, Hazael kâwlhnâm pumpel taphawt chu Jehu chun that a ta, Jehu kâwlhnâm pumpel taphawt chu Elisa chun that a tih.

2 LALHAI 12:17

Chun, Suria lal Hazael chun Gath khuo a hang rûn a, a hang lâk a; chun, Hazael chu Jerusalema fe pei a tum a.

2 LALHAI 13:22

Chun, Suria lal Hazael chun Jehoahaz hun sûng chun Israelhai chu a nêksâwr zing a.

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

JEREMIA 49:27

Damaska banga chun mei sêm ka ta, Benhadad lal inhai khawm chu kâng hmang vawng a tih.

LEVI DÂN 26:17

In chunga chun ka hmai sukthim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu hnawt lovin tlân in tih.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

HEBRAIHAI 12:29

ei Pathien hi mi kâng bohmang mei a ni si a.

RORELTUHAI 2:14

Chuongchun, Lalpa chu Israelhai chungah a lunginsen ta a; anni rawk hlaktuhai kuta chun a pêk tâwl ta a; an hmêlma an kâwl vêla umhai kuoma chun a zawr a: chuongchun, an hmêlmahai chu an dang zo ta naw a.

RORELTUHAI 3:8

Chuongchun, Lalpa chu Israelhai chunga chun a lunginsen ta a, Mesopotamia ram lal Kushan-risathaim thu hnuoia chun kum riet an um a.